Fermeri nga Berati në spital, u pickua nga ‘vejusha e zezë’, Mjekja: S’kemi antidotë kundër pickimit nga merimanga

Stina e verës ka shtuar rrezikshmnërinë për pickimet nga merimanga e helmuese e njohur si vejusha e zezë si dhe zvaranikët. Në spitalin rajonal të Beratit gjatë muajve qershor-korrik janë paraqitur disa pacientë, mes tyre një fermer me simptoma më të rënda pasi ishte pickuar nga merimanga e zezë.

“Pranë urgjencës së spitalit rajonal kemi pasur disa raste të pickimit nga hymenopteret dhe nga insektet. Muajin e kaluar kemi patur një suspekt pickimi nga merimanga e zezë në gjuhën tonë i quajmë vejusha e zezë. Shumica e insekteve apo merimangave janë jo helmuese përveç kësaj merimange e cila është shumë helmuese dhe jep shumë efekte në organizëm jep dhimbje të fuqishme të të gjithë muskujve dhe gjymtyrëve jep enjtje ose skuqje lokale tek vendi i pickimit e cila mund të transmetohet nga vendi i pickimit dhe lart në qoftëse ndodh në gishtin e dorës kemi skuqje lokale të vendit dhe fillon enjtja dhe skuqja në distancë nga pickimi drejt anësisë së sipërme e cila është tipike specifike për pickimin nga vejusha e zezë" tha mjekja e Urgjencës, Elena Kanaçi

Në spitalin e Beratit nuk ka antidotë, medikamet i rëndësishëm ky për neutralizimin e helmimit.

“Merimanga e zezë ka një rrezikshmëri shumë të lartë dhe nuk  ka një antidodë specifik spitali i Beratit nuk e ka egzistent këtë antidot. Në urgjencën e spitalit bëhet vetëm trajtim  i simptomave trajton dhimbjen trajtohen inflamacionin lokal”

Mjekja jep dhe disa këshilla, sidomos për fermeret që janë më të ekspozuar ndaj picktimeve të të gjitha llojeve të insekteve e zvarranikëve.

“Në qoftëse kemi dëgjuar trajtimin lokal që i lidhin është shumë e gabuar nuk duhet ndaluar qarkullimi i gjakut absolutisht varet nga çfarë lloj insekti apo zvaraniku është pickuar pacienti.  E mira është që të  mbahet me akull ose me kompresa të ftohta vendi  i pickimit mos të ndalohet qarkullimi i gjakut dhe të bëhet transporti drejt spitalit. Në rastin e pickimit nga humanopteret janë disa epipent të quajtura në gjuhën mjeksore janë shiringa me adrenalinë të cilat aplikohen lokalisht në muskulin lektuslateralis të këmbës të kofshës në gjuhën popullore dhe bëhet aplikimi i sasise përkatëse duke bërë kështu reduktim e menjëhershëm të simptomave sepse pickimi nga bleta jep simptoma shumë të rrezikshme duke rrezikuar edhe jetën duke filluar fillimisht nga simptoma të lehta skuqja  ënjtje të vendit lokal të pickimit jep bllokim të frymëmarjes jep urinim të pavullnetshëm jep ulje të tencionit arterial të cilat mund të kompromentohen deri në rrezikshmëri dhe humbjes së jetës së pacientit ndërsa nëpërkat janë helmuese por për to gjendet antidoti specifik e cila është vaksina antiviper por më e mira është transporti drejt spitalit” .

S.G/KT/Shqiptarja.com

TAG:
• vejusha e zeze
• Berat