Ferrari bën detyrën në Hungari
Vettel triumfon dhe lë pas Hamilton

Sebastian Vettel triumfon në një nga garat më të komplikuara të sezonit kalendarik të F1.

Pas krahëve të tij ka përfunduar shoku i ekipit finlandezi Kimi Raikkonen dhe podiumi u plotësua nga piloti i Merecdes Benz finlandezi tjetër Valtteri Bottas.

E Diela nuk ka qenë ngazëllyese për tre herë kampionin e botës Lewis Hamilton, i cili duhej të ndiqte urdhërat e drejtuesve teknikë të skuadrës për ti dhruar vendin e tretë shokut të skuadrës Bottas.

Nga dita e Shtunë deri në ditën e sotme, 3 pilotët e parë ruajtën vendet si siguruara në provat zyrtare.

Megjithatë, gara rezervoi episode të paparashikueshme.

Vettel vuajti shumë për të fituar garën për shkak të problemeve teknike që kishte Ferrari i tij në manovrime.

Raikkonen tentoi gjatë gjithë 70 xhirove të parakalonte Vettel po ai nuk mori miratimin e teknikëve të skuderisë "Kokëkuqe" pë të parakaluar shokun e kipit.

Hamilton ndërroi set-in e gomave nga super të buta në të buta, ndryshim që i dha kompaktësi makinës së tij dhe u vu në ndjekje të dy makinaveFerrari.

Pavarësisht se ai ngushtoi diferencën me dy makinat lidere të garës, ritmi i Ferrarit nuk i lejoi makinat Mercedes t' u rrëmbenin dy vendet e para.

Ndërkohë që dy skuderitë rivale për titull duelonin me njëra-tjetrën, beteja në skuderinë RedBull përfundoi në përlasje në kthesën e dytë të pistës ku Max Verstappen goditi makinën e shokut të skuadrës Daniel Ricciardo, i cili e përfundoi garën që në xhiron e dytë.

Verstappen u dënua nga komisarët e "Magyar Nagydìj" me ndalesë në pit-stop për 10 sekonda.

Me rifutjen në pistë dhe me konsumin e gomave Pirelli të Mercedes holandezi shtoi ritmin dhe tentoi të vinte në vështirësi  makinat angleze Mercedes.

Hamilton, i cili tashmë i kishte të humbura shpresat për një vend në podium mori urdhër nga skuderia të lejonte Bottas të ruante vendin e tretë dhe të ndalonte përpjekjet e Verstappen për ta parakaluar.

Veprimi i skuderisë angleze është në shqyrtim pasi mund të ketë thyer rregulloren e garës.

Në F1, drejtuesit teknikë japin urdhra ndaj pilotëve të tyre për t 'i toleruar pozicionet njëri-tjetrit në mënyrë që të sigurojnë më shumë pikë në klasifikimin për Konstruktorë.

Në fund Vettel e preu finishin i pari me distancë 0.908 sekonda nga Raikkonen, 12.462 sekonda nga Bottas dhe 12.885 sekonda nga Hamilton.

Përfundimi i garës i dha avantazhin Vettel në garën për titull kampion për Pilotë ku gjermani 4 herë kampion bote e rrit diferencën në 14 pikë nga rivali direkt Lewis Hamilton.

Bottas renditet i treti me 169 pikë dhe në të katërtin e të pestin respektivisht Ricciardo me 117 dhe Raikkonen me 116.

Në klasifikimin për Konstruktorë, Mercedes ruan vendin e parë me 357 pikë, e ndjekur nga Ferrari me 318 pikë dhe Red Bull me 184 pikë.

Redaksia Online
d.v./shqiptarja.com