POP 5

Lajmet më të lexuara të 5 minutave të fundit

Tirana

Festa e Fiter Bajramit, Veliaj shpërndan ndihma në Farkë: Mirënjohje komunitetit mysliman për solidaritetin e treguar gjatë Ramazanit

Veliaj me rastin e Fiter Bajramit shpërndau pako me ndihma dhe bllkanave për banorët në Farkë.

Kreu i bashkisë së Tiranës Erion Veliaj shpërndau sot pako me ndihma për banorët e Farkës me rastin e festës së Fiter Bajramit. Këtë vit, të paktën në zonat e kuqe, falja në sheshe do të mungojë, por bashkia thotë se në këtë mënyrë po përpiqen që kjo festë në të festohet në të gjithë familjet.

“Uroj të gjithë besimtarët që Zoti t’ua pranojë sakrificën. Gëzuar festën e Bajramit dhe dhëntë Zoti që vitin tjetër edhe adetet, faljen iftaret t’i bëjmë siç duhet,”- tha Veliaj.

Kreu i Bashkisë falënderoi të gjithë drejtuesit fetarë. “Faleminderit të gjithë imamëve dhe atyre që Zoti i ka thirrur për të shërbyer. Në fakt, Zoti na ka thirrur të gjithëve të shërbejmë. Pyetja është ku? Dikë e ka thirrur të shërbejë në xhami, një tjetër në bashki, një tjetër në spital ose të ruajë rendin si polic, dikë tjetër në ushtri apo si shofer autobusi. Pra, secili prej nesh është thirrur të shërbejë diku. E nëse secilën prej punëve tona e shohim si një shërbesë ndaj Zotit, puna bëhet perfekt."

Ai vlerësoi ndihmën që komuniteti mysliman dha këtë periudhë të pandemisë për respektimin e distancës sociale dhe solidaritetin e madh të treguar me njerëzit në nevojë. “U jam mirënjohës të gjithë vëllezërve dhe motrave që drejtojnë komunitetin mysliman. Kanë drejtuar ndoshta muajin më të jashtëzakonshëm dhe më të çuditshëm të Ramazanit, në një kohë kur është dashur të ruajmë distancën, të mbyllen faljet në xhami. E kanë bërë këtë me kaq shumë dinjitet dhe fisnikëri, pa e humbur misionin, se shërbesa dhe solidariteti me njëri-tjetrin, janë realisht shpirti i kësaj sakrifice."

Imami i zonës, Hoxhë Rushiti i shprehu mirënjohjen kryebashkiakut për vëmendjen e treguar ndaj Komunitetit Mysliman. “Jemi të kënaqur sepse e kurorëzuam me sukses këtë muaj të shenjtë. Dashtë Zoti fuqiplotë të na e ketë pranuar! Ramazan do të thotë që të mos përgojosh njeri, të mos shpifësh, të mos ngatërrosh, të mos gënjesh. Këto janë arsyet kryesore që e bëjnë njeriun njeri. Mirënjohje dhe respekt shumë për kryetarin, i cili gjeti kohë të na urojë muajin e madhërishëm të Ramazanit."

Më herët, kreu i Bashkisë Erion Veliaj inspektoi edhe palestrën e re në Farkë, e cila plotëson të gjitha standardet për zhvillimin e ndeshjeve të volejbollit apo basketbollit, ndërkohë që mund të përdoret edhe nga komuniteti i zonës.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • vera: 25/05/2020 23:18

    Komplet fallco,,,ata qe marrin ndihmat ta pyesin veliajn se me c'fare parash I blen ato ushqime,,,a ka ndonje kryetar bashkie sot ne Europe qe del e shperndan pako...

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Norvegji, autobusi me 60 pasagjerë del nga rruga dhe përfundon në liqen! 3 të vdekur

Norvegji, autobusi me 60 pasagjerë del nga rruga dhe përfundon në liqen! 3 të vdekur

26 Dhjetor, 16:28