E ndërsa Parlamenti diskutonte rreth raportit përfundimtar mbi shkarkimin e kreut të shtetit, në Presidencë hidhej “vallja” dhe këndohej kënga. Dukej si festa e fundit e Ilirit para shkarkimit, para largimit jo vetëm nga ajo godinë, por edhe nga politika. Nuk mund të mendohet se, pas shkarkimit nga detyra më e lartë që ai mbajti, të rikthehet në politikë. Ilir Meta ka hesape të vjetra dhe të reja për të “larë” me organet e drejtësisë.
Ai duhet të përgjigjet, dhe do të përgjigjet për gjithë historinë 30 vjeçare të “karrierës” së tij si politikan, biznesmen, kryetar partie, dhe deri bëmat e fundit në para dhe gjatë fushatës së zgjedhjeve të 25 Prillit 2021. Largimi i Ilir Metës, është një ogur i mirë për çdo shqiptar të tmerruar nga fjalimet dhe veprimet antiligjore që ka parë dhe dëgjuar për afro 2 vite rresht. Largimi i Ilir Metës është një lajm i mirë për klasën e kalbur politike që mban peng të ardhmen e vendit dhe shqiptarëve. Largimi i tij, është një lajm i mirë i organeve të reja të drejtësisë, të cilat kanë shansin historik të zbardhin gjithë shkeljet dhe veprimtarinë korruptive të një njeriu që erdhi nga jashtë dhe u bë “pasha” me poste politike dhe pasuri pushteti.
Festa e mbajtur në Presidencë ditën e shkarkimit, kënga dhe vallja dibrane, ishin spaktakli i dështimit, dëshpërimit dhe frikës që Meta po ndjen nga ndëshkimi ligjor.Vendi nuk mund të vazhdonte të përfaqësohej dhe drejtohej nga një militant partiak, nga një ish-pushtetar i akuzuar për afera të frikshme korruptive, pasi ndihma dhe asistenca amerikane në Shqipëri, e fokusuar pikërisht në sistemin e drejtësisë, pikërisht këtë po synon. Shpallja “non-grata” nga Departamenti i Shtetit Amerikan e emrave të njohur të politikës ballkanase dhe veçanarisht asaj shqiptare, po “ngushton” rrethin edhe për emra të tjerë veç Sali Berishës.
Turravrapi i ish-kryeministrit për të mbrojtur dinjitetin e tij me avokat të huaj në Francë, apo stisja që ai bën me ndonjë media të dorës së dytë në SHBA, përdorimi i ndonjë “miku kongresmen” për të kërkuar nga Sekretari Blinke arsyet e shpalljes “non-grata”, duket se kanë trembur seriozisht edhe Ilir Metën për fatin e tij. Shkarkimi në Parlament, dhe festa në Presidencë, janë treguesit më domethënës të një veprimi të duhur ligjor nga mazhoranca, dhe mungesës së seriozitetit nga njeriu në ikje.Sjellja e kreut të shtetit në ikje, ka qenë dhe mbetet e denjë, vetëm për një kryetar komune diku larg në male. Shqipëria vendi aleat i NATO-s, vend aderues në KE, dhe Bashkimin Europian, nuk mund të ketë një kryetar shteti si Ilir Meta. Eshtë fyerje kombëtare të kujtosh dhe ridëgjosh fjalimet dhe veprimet e tij para dhe gjatë fushatës elektorale. Eshtë turp, që na njollos të gjithëve, gjithë aktiviteti i tij si kryetar shteti, aq më tepër sulmet e paprincipta ndaj SHBA dhe vendeve të BE. Shkarkimi i tij është nevojë kombëtare, ndaj dhe ky Parlament po bën realitet një mision historik, që do tu shërbejë brezave që vijnë.
Komente
Lajme të tjera
-
Presidenti ukrainas Zelensky: Kemi çdo shans për t'i dhënë fund luftës në 2025-ën
24 Nëntor, 08:24 -
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20
Tjetër Dibër njohim e tjetër na del. "Festoi,, fundin e tij si njē nga bastardët e 30-të vjetëve lajthitje e degjenerim shqiptar. Nuk di se çfar do të bëj me çupën Dibra por dhëndërrin do ta nxjerin tek porta.
PërgjigjuKur e kapin gjelin per ta therur ai ja merr per te fundit here kenges.
Përgjigju