POP 5

Lajmet më të lexuara të 5 minutave të fundit

Kronikë

Festat/ Balla me fëmijët me nevoja të veçanta në Peqin: Mbetet ende shumë për t'u bërë

Që në nisje të fjalës së tij Balla tha se shumë është bërë për të mbështetur familjet që kanë një fëmijë me aftësi të veçantë, por ende shumë mbetet për t'u bërë dhe këto do të jenë angazhimet e vitit 2019/

Kryetari i Grupit Parlamentar Taulant Balla i shoqëruar nga Kryetari i Bashkisë së Peqinit, Sajmir Hasalla morën pjesë në një festë të organizuar me fëmijë me aftësi të veçanta duke ndarë jo vetëm dhurata, por edhe mesazhe për më shumë angazhim ndaj kësaj shtrese. Që në nisje të fjalës së tij Balla tha se shumë është bërë për të mbështetur familjet që kanë një fëmijë me aftësi të veçantë, por ende shumë mbetet për t'u bërë dhe këto do të jenë angazhimet e vitit 2019.

"Vëmendja e qeverisë ndaj fëmijëve me nevoja të veçanta dhe familjeve të tyre është shumë e madhe, por sigurisht ende jemi larg asaj që duhet të bëjmë për të gjitha familjet të cilët kanë fëmijë me aftësi të veçanta. Vitin e ardhshëm do të jenë më të shumta projektet e mbështetjes përkundrejt jush.

Ne jemi munduar që qendrën tuaj këtu ta mbështesim sa më shumë, por meqenëse Bashkia e Peqinit është duke diskutuar buxhetin, do t'i kërkoja Kryetarit të Bashkisë të mbështeste me dy punonjës socialë këtë qendër ku edukohen fëmijë me nevoja shumë të veçanta, por dhe fëmijë të shkëlqyer për të cilët ne çdo ditë mundohemi të kemi kujdes, por duhet një kujdes edhe nga bashkëpunimi me bashkinë me qëllim të rrisim cilësinë e shërbimit. Përsa i përket arsimit, për të gjithë fëmijët me nevoja të veçanta, ne duam të jenë në shkollat publike së bashku me moshatarët e tyre.

Këtu në Peqin, po investohet në shkollën kryesore të qytetit, ku një kujdes i veçantë po i kushtohet krijimit të kushteve për këtë kategori" theksoi Balla. Kryetari i Bashkisë garantoi për mbështetjen e institucionit që drejton ndërkohë që premtoi punonjësit socialë për qendrën e fëmijëve me aftësitë veçanta: "Mbështetjen time si Kryetar Bashkie do ta keni gjithmonë për çdo shqetësim tuajin. Premtoj para jush kërkesën që më bëri Kryetari i Grupit Parlamentar Z. Balla për të mbështetur me burime njerëzore qendrën tuaj" tha Hasalla.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

‘Giro d’Italia 2025’ nis nga Shqipëria, jehonë në mediat e huaja

‘Giro d’Italia 2025’ nis nga Shqipëria, jehonë në mediat e huaja

26 Dhjetor, 08:14