Kompania Bankers Petroleum ka shpërndarë 130 pako për familjet në nevojë në zonat ku kompania operon. Si çdo vit, kompania ka menduar t’u gjendet pranë dhe t’u ofrojë atmosferën e festave familjeve që nuk kanë mundësi të kalojnë ndërrimin e viteve si të tjerët. Identifikimi i familjeve dhe shpërndarja e pakove u bë në bashkëpunim me shërbimet sociale të Bashkive Fier, Patos dhe Roskovec.

Familjet jetojnë në zonën e Patos-Marinzës në fshatrat Zharrës, Marinëz, Jagodinë, Belinë, Kallm I Madh, Sheqishtë dhe Frashër. Familjeve u janë dhuruar kryesisht ushqimet, por sigurisht duke mos lënë mënjanë as lodrat për fëmijë. Për të vegjlit, kompania mundësoi edhe krijimin e atmosferës festive me babagjyshë e lojra të ndryshme.

Shpërndarja e dhuratave për familjet në nevojë në zonat ku Bankers operon është një mision i përvitshëm i kompanisë. Nisma të tilla dhe programet për përmirësimin e jetesës së banorëve të fshatrave përreth aktivitetit janë themeli i punës dhe aktivtetit të Bankers.

Redaksia Online
l.q/Shqiptarja.com