TIRANË - Policia e Shtetit ka përgatitur një plan masash në lidhje me festat e fundvitit, me qëllim shmangien e incidenteve apo ndonjë problem tjetër.

Kreu i Policisë së Shtetit, Artan Didi ka nisur në drejtim të 12 drejtorive në qarqe, dy udhëzime për marrjen e masave.

Nga dita e sotme data 20 dhjetor 2013 e deri në datë 3 janar 2014, të 12 drejtoritë e Policive në qarqe do të jenë në gadishmëri për të parandaluar çdo incident sado i vogël.

Ndërkaq, Policia e Tiranës ka ndërmarrë masa të veçanta, sidomos për ruajtjen dhe sigurimin e objekteve të rëndësisë së veçantë.
 
Redaksia online
(ac/shqiptarja.com)