Një nga tregjet me çmimet me te larta është ai i Pazarit të Ri në sheshin Avni Rustemi, ku përveç 2 – fishimit të çmimeve për disa produkte, tregtarët nuk publikojnë vlerën e mallit. Kështu, të përqendruar më tepër të fruta-perimet, shitësit kanë bërë dhe rritjet e tyre sipas llojit të artikullit. Ndërkohë që edhe tregu i shumicës te Uzina Dinamo ka disa luhatje në krahasim me çmimet preferenciale të vendosura nga Tabela e Bashkisë së Tiranës, por në këtë vend abuzimi duket më i ulët.
Tregtarët thonë se çmimet për këtë vit janë normale dhe se kontrolli Bashkia është i përditshëm. Nga ana tjetër edhe shitësit e pakicës prononcohen se nuk ka patur abuzim nga tregtarët e dorës së parë. Fenomeni i rritjes së çmimeve gjatë festave është një shqetësim i përvitshëm për qytetarët. Këtë vit bashkia e Tiranës ka ngritur Task forcën e saj për të parandaluar një abuzim të radhës nga festat e fundvitit, raporton vizion plus.
![](https://www.shqiptarja.com/template/img/sh_logo1.png)