POP 5

Lajmet më të lexuara të 5 minutave të fundit

Arkiva

Festat, shtrenjtohen
çmimet e fruta-perimeve

Nga një vëzhgim që ka bërë "Shqiptarja.com" te Pazari i Ri, rezulton se ata madje ndryshojnë mesatarisht me 10-20 lekë për çdo produkt, por ka edhe produkte të veçanta, për të cilët ndryshimi është gati gjysëm për gjysëm. Bashkia e Tiranës deklaron se nuk ka konstatur abuzime.
Çmimet e produkteve sot në Tiranë
Festat, shtrenjtohen<br />çmimet e fruta-perimeve
TIRANE- Kontrollet e vazhdueshme të bashkisë së Tiranës, nuk kanë mundur të frenojnë rritjen e çmimeve të fruta-perimeve, as në këtë prag fundviti. Megjithëse gjatë ditëve të para, kjo nismë ka patur efekt, duket se me afrimin e festave asgjë nuk mund t'i ndalojë tregtarët të rrisin çmimet. Nga një vëzhgim që ka bërë "Shqiptarja.com" te Pazari i Ri, rezulton se ata madje ndryshojnë mesatarisht me 10-20 lekë për çdo produkt, por ka edhe produkte të veçanta, për të cilët ndryshimi është gati gjysëm për gjysëm.

Kështu ndryshimet më të ndjeshme janë për frutat. Nëse sipas bashkisë së Tiranës, dje te Pazari i Ri, një kg mollë shitej mesatarisht me 62.5 lekë, nga vëzhgimi i gazetës "Shqiptarja.com" rezultoi se me këtë çmim shiteshin vetëm mollët e kalbura dhe të dëmtuara, ndërsa çmimi i këtij fruti varionte nga 80 lekë ata të cilësisë së dobët deri në 120 lekë ata me cilësi mesatare.

Ndërsa mollët e cilësisë së mirë kushtojnë plot 200 lekë për kg. Po ashtu një rritje të madhe të çmimit ka pësuar edhe mandarina. Nëse sipas bashkisë së Tiranës, dje mund ta blije mandarinën me një çmim mesatar prej 82.5 lekë, sipas vëzhgimit të gazetës kjo ishte e pamundur.

Mandarina ishte në shumicën e rasteve 120 lekë, por nëse kërkoje e gjeje edhe me 100 lekë. Ashtu siç kishte edhe mandarina që kushtonin 200 lekë një kg dhe tabela e çmimit ishte e shoqëruar me një shënim "mandarinë vendi", shkruhet sot në artikullin e botuar në gazetën "Shqiptarja.com"  e cila analizohen dhe  çmime të tjera të produkteve në tregun e fruta perimeve. 
BASHKIA
Edhe gjatë ditës së djeshme task-forca e bashkisë ka monitoruar situatën e çmimeve në tregjet kryesore të Tiranës. "Task-Forca e çmimeve nuk ka konstatuar as sot abuzim me çmimet e mallrave të shportës dhe ato të fruta-perimeve", - thuhet në njoftimin zyrtar të bashkisë së Tiranës, ku sqarohet se dje është monitoruar situata e tregut te "Ali Demi", në njësinë bashkiake nr.2.

  • Sondazhi i ditës:

    A e zgjidh problemin me shqiptarët në Britani vizita e Ramës në Londër?

Lajme të tjera



×

Lajmi i fundit

Vidhet gjatë natës kasaforta e një servis makinash në Përrenjas

Vidhet gjatë natës kasaforta e një servis makinash në Përrenjas

25 Mars, 12:03