POP 5

Lajmet më të lexuara të 5 minutave të fundit

Kultura

Festivali Mbarëkombëtar i Teatrove rikthehet online, deri tani në garë 16 shfaqje

Pas tre vitesh, rikthehet Festivali Mbarëkombëtar i Teatrove Online. Teatri Kombëtar për këtë festival ka bashkëpunuar me teatrin Eksperimental “Kujtim Spahivogli”. Ndërsa, në garë mund të marrin pjesë të gjitha trupat teatrore shqipfolëse

Teatri Kombëtar i drejtuar nga Hervin Çuli prej një viti qëndron kyçur. Pavarësisht kërkesës publike të Sindikatës së Artistëve të këtij institucioni, drejtuar para disa muajsh Ministrisë së Kulturës, që t’i lejonin të zhvillonin shfaqje konform rregullave anticovid, asgjë nuk ka ndryshuar. Komiteti Teknik i Ekspertëve mbi situatën e COVID-19 vazhdon të mbajë të njëjtin qëndrim, duke mos lejuar që skenat teatrore të hapen.

Megjithatë, Teatri Kombëtar (TK) në bashkëpunim me Teatrin Kombëtar Eksperimental “Kujtim Spahivogli”(TKEKS), ky i fundit drejtuar nga Altin Basha, këto ditë ka nisur përpjekjet për realizimin të Festivalit të Teatrit Mbarëkombëtar Online.

Ftesa nën moton “Teatri vazhdon” është e hapur për të gjithë teatror shqipfolës, ndërsa shfaqjet do të transmetohen online gjatë muajit shkurt.

Deri më tani 16 trupa teatrore janë përgjigjur ftesës. Afati i fundit për t’u bërë pjesë e kësaj gare online është data 29 janar.

Gjatë 2018-s në Festivalin Mbarëkombëtar të Teatrove morën pjesë 14 trupa teatrore nga Shqipëria, Maqedonia, Kosova dhe Mali i Zi.

Ndërsa, “Vdekja” e Dantonit me regji të Dino Mustafiq, u vlerësua si “Shfaqja më e mirë”.  “Gomari i babatasit” u vlerësua për “Regjinë më të mirë” nga Altin Basha  dhe Aktori më i mirë  u shpall Reshat Arbana për interpretimin e tij në shfaqjen “Babai” me regji të Spiro Dunit.

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Të lidhur me zinxhirë, njëri pas tjetrit! Shtëpia e Bardhë poston foto të emigrantëve ilegalë që po dëbohen nga SHBA

Të lidhur me zinxhirë, njëri pas tjetrit! Shtëpia e Bardhë poston foto të emigrantëve ilegalë që po dëbohen nga SHBA

24 Janar, 15:24