POP 5

Lajmet më të lexuara të 5 minutave të fundit

Arkiva

Festohet Pavarësia, situatë e qetë
në Athinë, trazira në qytete të tjera

Ka përfunduar pa probleme parada ushtarake në Athinë në kuadër të 192-vjetorit të pavarësisë së saj nga pushtimi i perandorisë turke. Por në zona të tjera të vendit janë shënuar trazira në mes qytetarëve dhe anëtarëve të Agimit të Artë.
ATHINE - Ka përfunduar pa probleme parada ushtarake në Athinë në sheshin “Syntagma”, në prezencë të presidentin Papulias, në kuadër të 192-vjetorit të pavarësisë së saj nga pushtimi i perandorisë turke. Por situata ka qenë e qetë vetëm në Athinë, pasi në zona të tjera të vendit janë shënuar trazira në mes qytetarëve dhe anëtarëve të Agimit të Artë.

Ashtu siç edhe ishte parashikuar, festimet u zhvilluan në masa të rrepta sigurie nga ana e policisë, e cila blindoi qendrën e kryeqytetit helen dhe nuk lejoi të kalojë askënd pa leje të posaçme. Për të shmangur revoltat dhe protestat spontane të anëtarëve të saj, qeveria përzgjodhi nivele më të ulëta përfaqësimi, në mënyrë që të mos nxisë revolta.

Parakalimi u ndoq nga zyrtarët qeveritarë, deputetë dhe udhëheqja ushtarake e Greqisë, ndërkohë që personat që u lejohen nëpër sheshe e bulevarde ishin të pajisur me ftesa të posaçme emërore.

Gjatë gjithë parakalimit patrulluan nga ajri helikopterë të policisë, ndërkohë qe edhe gazetarët dhe fotoreporterët u nënshtruan kontrolleve të imtësishme.

TRAZIRAT PAS PARADES
Por në zona të tjera të Greqisë janë shënuar trazira dhe episome të qytetarëve me forcat e policisë, si edhe sharje ndaj përfaqësuesve të qeverisë e të pushtetit lokal.

KOZANI, PERLESHJE TE QYTETAREVE ME “AGIMIN E ARTE”
Në Kozani janë bërë përleshje mes qytetarëve dhe anëtarëve të Agimit të Artë, kur këta të fundit kanë tentuar të vendosin kurora me lule në monumentin e heronjve. Anëtarë të Partisë Komuniste dhe të majtë të tjerë kanë reaguar duke thirrur “Jashtë nazistët”. Forca të shumta policore kanë ndërhyrë dhe janë përleshur me të pranishmit, duke përdorur edhe gaz lotsjellës.

LUTRAKI DHE ILIA, QYTETARET PERLESHEN ME “AGIMIN E ARTE”
E njëjta situatë ka qenë edhe në Lutraki dhe Ilia kur qytetarët janë përleshur me forcat e policisë dhe anëtarë të partisë neonaziste, “Agimi i Artë”.

RODOS, NJE GRUA PLAGOS ME THIKE ANETARIN E KESHILLIT BASHKIAK
Në Rodos, një grua ka plagosur me thikë një anëtar të Këshillit Bashkiak, pas përfundimit të paradës ushtarake. Në Pire u arrestuan disa qytetarë, të cilët thërrisnin me parulla kundër qeveritarëve të pranishëm dhe hapën një banderolë me citate kundër politikës aktuale dhe Memorandumit e masave shtrënguese.

E njëjta situatë ka qenë edhe në qytete të tjera të Greqisë, k qytetarët kanë parakaluar spontanisht, po me kokën jo të kthyer nga podiumi i personaliteteve, por në anën e kundërt, për të shprehur në këtë mënyrë kundërshtinë e tyre për politikën shtrënguese që po ndjek qeveria.

Gjithashtu parada e sivjetme është karakterizuar edhe nga parullat e solidaritetit për popullin qipriot.

Redaksia Online
(sg/Gre.M/Shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Kush janë ministrat e qeverisë Kurti që u pasuruan më shumë

Kush janë ministrat e qeverisë Kurti që u pasuruan më shumë

28 Janar, 21:15