Gjatë takimet në tregtarët të qytetit por edhe me feremerët e zonave përreth, vështirësitë ekonomike ishin kryefjalë e ankesave të qytetarëve.
Banorët shprehen se papunësia prej kohësh është në rritje në këtë rreth, teksa edhe prishja e ndertimeve dhe aksiojnet e OSHEE-së zunë në një vend të rëndësishmë gjatë këtij bashkëbisedimi.
“Shqipëria duhet të përjetojë një dhjetor të dytë”, i thanë qytetarët Bashës, duke sjellë në vëmendje nevojën për një ndryshim të madh.
“Gjendja është shumë e vështirë. Blerës nuk ka fare, nuk po na vjen njeri, është shumë keq. Llogaritë, kur vjen robi që i bie vdekja, thotë: ma jep dot këtë kostum me të shënuar emrin?!”, shprehet një qytetar.
“Jemi persekutuar tërë jetën me Enver Hoxhën, na kanë persekutuar tash më shumë, s’kemi ç’hamë”, thotë një grua.
“Eshtë tallje apo ironi që të them unë: “urdhëroni, hajde blini mobilje!”, kur ai thotë unë s’kam mbushur barkun”, pohon një tregtare.
“Duke mbyllur vendet e punës, duke ulur rrogat, duke shtuar papunësinë, dyfishon taksat. Ku do i gjejnë shqiptarët lekët për të vajtur në master apo specializim?!”, thotë një qytetar
Basha: Sa familjarë jeni ju në shtëpi?
“Shtatë”.
Basha: Sa vetë ke në punë?
“Për momentin asnjë, babai im punon në ndërtim dhe ka një vit, zero...”
“Kam kamion vetë, jam me licencë, me të gjitha. Janë rritur taksat, kanë vajtur sa ...Jam gati ta mbyll licencën”, ankohet një banor i zonës.
“Populli i gjithë 23 qershorin e quan si ditën më të zezë dhe fatkeqësia e këtij kombi. Duhet një dhjetor i dytë z. kryetar!”, kërkon i revoltuar një qytetar.
Lideri i të djathtëve u bëri apel qytetarëve ti bashkohen protestës së 22 nëntorit.
Redaksia Online
(e.c/shqiptarja.com)