'Fut e bjer, donin lekët', grabitësit me maska e automatik hyjnë në banesë të vjedhin, dhunojnë të zotin! Dëshmia e 54 vjeçarit në Fier: I larë në gjak, bërtisja

Tre persona me maska dhe automatik dhe pistoleta kanë hyrë në banesën e një 54 vjeçari në fshatin Baltëz të Fierit me qëllim grabitjen e lekëve.

Ngjarja është shënuar në orët e para të mëngjesit të sotëm, (16 nentor 2023)

"Ishin tre persona me automatik, me maska siç i mban policia. U shiheshin vetëm sytë. Thonin lekët, lekët"  tregon 54 vjeçari Sokol Bajgora, i cili ka qenë i vetëm në banesë në momentin kur kanë hyrë grabitësit.

LEXO EDHE:
Fier/ Vranë me thikë dhe hodhën në kanal 23 vjeçarin nga Tropoja, arrestohet autori i dytë! ishte dënuar me 19 vite burg (EMRI)

Nga spitali i Fierit ku u shtrua për të marrë mjekimin e duhur Sokol Bajgora, ka rrëfyer rrjedhën e ngjarjes. Në momentin që 54 vjeçari u kishte thënë se nuk kishte para, grabitësit e kanë goditur me qytën e armës ‘automatik’ grushta, shkelma duke i shkaktuar dëmtime të shumta në fytyrë dhe trup.

“Siç isha në gjumë, dëgjoj një zhurmë. Në moment ngrihem ranë prapë zhurma.t I kishin rënë derës prapa shtëpisë. Thyejnë xhamin, ka qenë çelësi brenda se ishte dera mbyllur. Erdhën me një elektrik me armë 3 veta, më thanë na jep lekët.

U thash nuk kam lekë, më goditën me tytën e automatiku pastaj më vunë poshtë të tre. 'Fut e bjer! Më qëlluan 5 -- 6 herë në kokë' se u thoja që nuk kisha lekë. Donin të më mbyllnin gojën, lidhnin këmbë e duar.

Ashtu siç isha i shtrirë i larë në gjak, bërtisja fort që të dëgjonte dikush.  E kthyen shtëpinë përmbys. Pas 4 minutash krevatin dopio e kthyen dhe më lanë poshtë krevatit, donin të  mos ngrihesha.

Kur duket që nuk kanë gjetur gjë, janë larguar, ndërkohë 54 vjeçari me vështirësi ka dalë nga banesa të kërkonte ndihmë tek i vëllai.

Lëviza zvarrë, nuk orientohesha dot se dritat i kishim fikur. Mezi u orientova duke prekur murin, edhe hapa grilën dola nga dritarja. Trokita te shtëpia e vllait që kishte qenë në punë, ika dola te porta te vellai tjetër ate dhe morën policinë në telefon”- u shpreh 52 vjeçari.

Në vijim të veprimeve hetimore dhe procedurale policia infornon se janë shoqëruar në Komisariatin e Policisë Fier, disa shtetas që po merren në pyetje, me qëllim zbardhjen e ngjarjes.

Gjithashtu, është ngritur një grup i posaçëm hetimor, i cili vijon punën intensive, në drejtimin e Prokurorisë, për zbardhjen e plotë të rrethanave të ngjarjes, si dhe për identifikimin dhe kapjen e autorëve.

Rendit zhvillimet sipas orarit:

Të Fundit Të Parat

B.V/Shqiptarja.com

TAG:
• Sokol Bajgora
• grabitje
• Fier