FIER-10 nxënës, mësues dhe sanitarja e gjimnazit "Janaq Kilica" u dërguan mesditën e sotme në spital me urgjencë. Ngjarja ka ndodhur rreth orës 13:10 gjatë orës së mësimit, në kabinetin e laboratorit ku 7 nxënës, 2 mësues dhe sanitarja kanë pasur të kollitura dhe vështirësi në frymëmarrje si pasojë e një ere të keqe, që nuk dihet nga se ka ardhur. Nga bluzat e bardha në Spitalin e Fierit, thuhet se fatmirësisht nxënësit nuk kanë probleme shëndetësore, por më shumë janë në gjendje frike dhe paniku të krijuar me dyshimet se mund të ishin helmuar.
"Nxënësit erdhën me një shqetësim psiko-emocional, gjendje ankthi, dridhje trupi, vështirësi në frymëmarrje, nuk duken shenja të intoksinimit. Deri më tani situatën e kemi nën kontroll, gjendja është jashtë rrezikut për jetën. Është vështirë për t'u përcaktuar por nuk dimë se cfarë ka ndodhur në shkollë", tha Lulzim Banushaj, toksikolog në një lidhje telefonike për Report Tv.
Nuk dihet ende se çfarë ka shkuar keq dhe cfarë lënde mund të ketë shpërthyer apo përhapur në laborator, megjithatë pritet që gjithçka të zbardhet në vijim nga policia e Fierit. "Paraprakisht nuk dihet kush ka qenë shkaku i kësaj situate. Në vendin e ngjarjes shkoi grupi hetimor dhe po punohet për sqarimin e rrethanave dhe gjetjen e shkakut të kësaj ngjarje", thotë zyrtarisht policia e Fierit.
Njëra prej nxënëseve që u dërguan për ndihmë në spitalin e Fierit tregoi kronologjinë e ngjarjes. "Te klasa ngjitur kishte orë mësimi, hapëm derën se duhet të merrnim dicka, erdhi një erë mbytëse. Nuk të linte që të merrje frymë, mësuesja kishte frikë të na nxirrte jashtë. Vjen urdhri dhe që të gjithë nxënësit e godinës së parë të dilnin jashtë, pasi erdhi ishte mbytëse.
Duke dalë jashtë ngaqë ishim shumë veta.... Ishte erë mbytëse, më shumë kisha dhimbje fyti. Në klasë ishim në orë mësimi, përballë klasës që ndodhi ajo, por nuk dëgjuam zhurmë, vetëm kur hapa derën dhe erdhi direkt. Pavarësisht se mbyllën derën dhe dritaren erdhi era. Në klasë ishin 30 veta. Në klasën që ishte përballë doli jashtë nga era, ne dolëm më vonë. Thjeshtë mund të ketë ndonjë gjë brenda" tha ajo.
Mjeku reanimator në spitalin e Fierit Kliti Gjerazi u shpreh për mediat se gjithsej të shtruar në spital për mjekim janë 10, 7 nxënës, 2 mësues dhe sanitarja e shkollës. Ai e përjashtoi pistën e helmimit duke dyshuar te virozat e stinës, megjithatë fjalën e fundit do ta thonë analizat që pritet që të dalin. Mjeku theksoi se ishte atak i tipit të panikut dhe shqetësim që nuk di nga t'ia vë emrin.
"Urgjenca ka reaguar shpejt, nxënësit janë shtruar, është ngritur një grup pune. Pasi i kemi vizituar. Ankesat ishin të sferës respiratore, "nuk marrim frymë, kemi aromë të keqe, provokonin të vjella, por nuk kanë vjellë'. Unë nuk isha prezent dhe për këtë arsye e pyesim të sëmurin se cfarë ka ndodhur dhe ata japin variante të ndryshme. Dikush thotë se erdhi një aromë e keqe që e lidhin me klasën dhe palestrën se kemi edhe arsimtare dhe sanitaren, se ishte aromë e keqe që na bezdisi fytin si erë pesticide, dicka kimike, që nuk e përcaktojmë dot ne sepse kur del në ajër shpërbëhet. Helmim? Helmimi ka disa kritere të tjera, duhet të kenë konsumuar ushqim, apo lëndë të përbashkët që të kenë helmim masiv.
Nuk kishte parametra të prishur, oksigjenimi ishte normal. Ishin shtatë nxënës, sanitare dhe arsimtare, gjithsej 10 veta. Shqetësimet mund të kenë qenë ndoshta se janë viroza stinore. Nga grafia kishin shqetësime pulmonare. Diagnoza jonë nuk është akoma e plotë, se u janë marrë analizat e gjakut dhe biokimike. Deri tani nuk kemi gjetur asgjë. Ankesa kryesor e mbytjes rrëzohet, më shumë ishte atak i tipit të panikut dhe shqetësim që nuk di nga t'ia vë emrin. Nëse nuk do të kenë shqetësim do të largohen. Nxënësit nuk referojnë se kanë ngrënë bashkë apo pirë bashkë, thjeshtë se ishte një aromë e keqe ose dicka e formës areogene, tani nuk jemi në luftë kimike..." tha ai.
Komente
Lajme të tjera
-
3 muaj në qelinë 6 në Fier, Salianji reagon për mandarinat me pesticide: Vidhen fondet e BE, fermeri në mëshirë të fatit
21 Dhjetor, 12:00 -
Fier/ Morën zhavorr në Lumin e Vjosës, Prokuroria dërgon për gjykim 3 persona
21 Dhjetor, 10:31 -
‘Bankers’ investoi 10 milionë USD për komunitetin në 15 vite! Xiao: Përmirësojmë jetën e banorëve në Patos-Marinzë
20 Dhjetor, 17:17 -
Aksident në Lushnjë, një shofer i plagosur nga karambolimi i dy mjeteve! Shkak dyshohet shpejtësia e veturës
20 Dhjetor, 14:26
-
Fier/ Mashtrim, përndjekje, vjedhje dhe aksident, 4 persona të arrestuar, një në kërkim dhe një tjetër nën hetim! (EMRAT)
20 Dhjetor, 13:45 -
Lushnjë/ ‘Benzi’ përplas 66-vjeçarin me motor në aksin Fier-Shegan - Krutje (EMRI)
19 Dhjetor, 17:50 -
AKU/ 20 ton mandarina do të asgjësohen në Divjakë
19 Dhjetor, 16:37 -
Kroacia kthen mbrapsht 3 ngarkesa me mandarina, me nivele të larta pesticidesh! Ministria e Bujqësisë: U Nisën nga Berati e Fieri, gjobit grumbulluesin
18 Dhjetor, 21:12 -
Qeveria i jep OK kompanisë greko-shqiptare për ndërtimin e termocentralit në Roskovec! Mes përfituesve, edhe Bashkim Ulaj, botues pranë Sali Berishës
18 Dhjetor, 18:22 -
Fier/ Shpërndante kokainë në doza pranë gjimnazeve, arrestohet 29 vjeçari (EMRI)
18 Dhjetor, 14:40 -
Aksident në aksin Lushnjë-Berat/ Makina përplas për vdekje 63 vjeçarin nga Durrësi (EMRI)
17 Dhjetor, 13:55 -
Në kërkim për ‘falsifikim dokumentesh’ dhe ‘largim nga vendi i aksidentit', 2 të arrestuar në Fier
17 Dhjetor, 13:23
Mjek matrapaz,shihet qarte se femijet jane helmuar.Autoritet policise le te kyqen ne kete ngjarje.Kemi shume armiq te mhjyrave te ndryshme.
Përgjigju