5 hektarë mbetje urbane në Fier, ankohen banorët

Fusha e mbetjeve urbane të Bashkisë Fier është kthyer në një shqetësim shumë serioz për banorët e zonës përreth. Dikur kjo fushë grumbullonte vetëm mbetjet e Fierit, por sot mbledh edhe të ato të nëntë njësive administrative të këtij qyteti. E shtrirë në një sipërfaqe prej afro pesë hektarësh fusha ndodhet vetëm tre kilometra larg qendrës së qytetit dhe vetem pesëdhjetë metra nga banesat e lagjes “Sheq i Madh”.

Tonelata mbetjesh janë hedhur për të eleminuar përhapjen e ndotjes në ajër dhe tokë, por rreziku vazhdon të jetë prezent cdo ditë e më shumë duke e sjellë si një nevojë të domosdoshme dhe të menjëhershme zgjidhjen përfundimtare të këtij problemi jetik.

Përvec ndotjes, mbetetjet e hedhura dhe të akumuluara prej afro tre dekadash të cilat kanë tejkaluar çdo limit, sot kanë arritur lartësinë e 12 metrave. Pamjet e marra nga REPORT TV në këtë fushë tregojnë qartë situatën kaotike,situatë që e shpreh dhe përgjëgjësi i saj Viktor Goga.

Ndërkohë, në fshatin Verri të Njësisë Mbrostar janë duke u kryer punimet për ndërtimin e vaskave të trajtimit të mbetjeve dhe landifillit, që bashkë me ndërtimin e impiantit të përpunimit të tyre pritet t'i japin zgjidhjen përfundimtare kësaj problematike 30 vjeçare.  Por asgjë nuk e garanton se sa kohë duhet për t’u aktivizuar kjo bombë ekologjike nëse vazhdon ende gjatë kjo praktike pune. 

 

/G.M./Shqiptarja.com

TAG:
• Fier
• fusha e mbetjeve