POP 5

Lajmet më të lexuara të 5 minutave të fundit

Kronikë

Merrte ryshfet e nuk gjobiste shoferët që shkelnin rregullat, pezullohet nga detyra polici i Fierit

Një punonjës i Policisë së Fierit është pezulluar nga detyra, pasi dyshohet se u merrte para drejtuesve të mjeteve për të mos u vendosur gjoba kur ata shkelin rregullat e qarkullimit rrugor.

Merrte ryshfet e nuk gjobiste shoferët që shkelnin rregullat, pezullohet nga detyra polici i Fierit

Foto ilustruese

FIER- Një punonjës i Policisë së Fierit është pezulluar nga detyra. Vendimi është marrë nga Agjencia e Mbikëqyrjes Policore, pasi efektivi është në hetim pasi dyshohet se u merrte para drejtuesve të mjeteve për të mos u vendosur gjoba kur ata shkelin rregullat e qarkullimit rrugor.

Sipas AMP-së, Inspektor R. A., gjatë kontrolleve që ushtronte për drejtuesit e mjeteve, nuk i ndëshkonte ata me gjoba në rastet kur shkelnin Kodin Rrugor, por u merrte atyre ryshfet dhe më pas shoferët largoheshin pa asnjë gjobë.

Policit i është ndaluar edhe dalja jashtë shtetit, ndërsa është vënë në hetim për veprën penale “Korrupsion pasiv i personave që ushtrojnë funksione publike”.

Njoftimi i AMP

Agjencia e Mbikëqyrjes Policore (Rajoni Fier-Berat), pas një hetimi të ndjekur me metoda të posaçme të hetimit ka zbatuar Urdhrin e Prokurorisë për ekzekutimin e vendimit të Gjykatës së Shkallës së Parë të Juridiksionit të Përgjithshëm Fier, e cila ka vendosur masës e sigurimit personal me karakter shtrëngues “Ndalim i daljes jashtë shtetit dhe masën e sigurimit personal me karakter ndalues “Pezullimi i ushtrimit të një detyre a shërbimi publik” ndaj punonjësit të policisë Inspektor R. A., me detyrë Trup Shërbimi në Trafikun Urban dhe Interurban në Seksionin e Trafikut Ubran dhe Interurban pranë DVP Fier, i dyshuar për veprën penale “Korrupsion pasiv i personave që ushtrojnë funksione publike”.

Vendimi i Gjykatës erdhi në funksion të Procedimit Penal të vitit 2024, hetuar për veprat penale “Korrupsion aktiv i personave që ushtrojnë funksione publike”, “Korrupsion pasiv i personave që ushtrojnë funksione publike” dhe “Shpërdorimi i detyrës”.

Nga hetimi i kryer nga AMP u dokumentua me prova se punonjësi i policisë, Inspektor R. A., gjatë kryerjes së detyrës së tij funksionale, kryente veprime korruptive me drejtues automjetesh duke mos i ndëshkuar ata me masa administrative.

AMP mbetet e përkushtuar në misionin për garantimin e zbatimit të ligjit dhe vetëpastrimin e Policisë, ndërsa fton qytetarët të denoncojnë çdo rast të abuzimit apo shkeljes së ligjit nga ana e punonjësve të Policisë së Shtetit, Gardës së Republikës apo Shërbimit për Mbrojtjen nga Zjarri dhe për Shpëtimin, duke telefonuar falas në numrin 08009090.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • asolingo: 21/02/2024 09:32

    Prandaj ai mostra dilte vetem,jo vetem te shkarkohet nga puna por dhe nje gjobe te majme.

    Përgjigju
    • Tigri: 21/06/2024 11:29

      Jemi ne qe i japim lek policeve qe mos te na heqin patenten keshtu mos ja vini fajin kot

    • Or tej: 21/02/2024 11:10

      Eshte me mire te zhvatesh nga 1 apo nga 5 vete or teeeejjjjj

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Donald J. Trump: Një rrugëtim i pazakontë drejt presidencës

Donald J. Trump: Një rrugëtim i pazakontë drejt presidencës

2 Nëntor, 19:04