FIER- Iljaz Fisheku 60-vjeç, biznesmen në fushën e hidrokabureve i cili ishte shpallur në kërkim për shkak se nuk kishte paguar taksat është arrestuar nga policia.
Fisheku i ka shkaktuar shtetit një dëm prej 38.688.297 lekësh. Ndaj tij Gjykata e Shkallës së Parë Fier ka vendosur masën e sigurisë “arrest me burg”, për veprat penale “Fshehje e të ardhurave” dhe “Mospagim i taksave dhe tatimeve”.
Tashmë ai do të hetohet nga Prokuroria pranë Gjykatës së Shkallës së Parë Fier.
Iljaz Fisheku nuk është një emër i panjohur për autoritetet shqiptare. Më herët, në vitin 2016 ai është arrestuar pasi kompanitë e tij M. Petrol dhe P.Impex tregtonin në Tiranë karburant duke shmangur taksat.
Bashkë me Fishekun në atë kohë u arrestuan edhe 6 ish-zyrtarë të tatimeve pasi lejuan tregtimin e karburanteve pa licensë duke i shkaktuar shtetit një dëm ekonomik në vlerën e 1 milion dollarëve.