Organizonin baste sportive, 2 të arrestuar në Fier! Nis hetimi për nënë e bir, pronarë të lokalit (VIDEO)

FIER- Policia e Fierit ka arrestuar 2 persona dhe për 2 të tjerë ka nisur hetimi, pasi organizonin baste sportive në ambientet e një lokali. Gjatë kontrollit të ushtruar në lokal, policia ka sekuestruar 3 aparate celulare në të cilët u gjetën faqe të basteve sportive me shuma të konsiderueshme në lekë dhe euro dhe biseda për vendosjen e llotove sportive.

Specialistët e Seksionit për Hetimin e Krimeve Ekonomiko-Financiare në bashkëpunim me Seksionin për Mbështetjen Operacionale të Hetimit të DVP Fier, kanë finalizuar operacionin policor të koduar "Game over 2".

Në kuadër të këtij operacioni u arrestuan Lorenc Bako, 31 vjeç dhe Aglen Mustafaj, 23 vjeç, banues në Fier. Ndërkohë nisi hetimi për nënë e bir, pronarë të lokalit ku vendoseshin bastet. 

‘Si rezultat i kontrolleve të pandërprera të ushtruara nga shërbimet e Policisë,  shtetasit e arrestuar u kapën në flagrancë, në lokalin në pronësi të shtetases M. M. dhe djalit të saj A. M., në lagjen "11 Janari", Fier, duke vënë baste sportive, me celularët e tyre, të cilët u sekuestruan në cilësinë e provës materiale’, njoftoi sot policia.

Materialet procedurale i kaluan Prokurorisë Fier, për veprime të mëtejshme.

S.B/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 7 Shkurt, 09:13

    Si e vlerësoni kushtin e PD që diaspora të votojë me dokumente të huaja?



×

Lajmi i fundit

Haklaj: Kemi krijuar Polin e Tretë, Demokratët Euroatlantikë të regjistruar, koalicion me 27 parti dhe lista të hapura! Valteri: Vetëm Basha dhe Gjin Gjoni kanë marrë leje lindjeje

Haklaj: Kemi krijuar Polin e Tretë, Demokratët Euroatlantikë të regjistruar, koalicion me 27 parti dhe lista të hapura! Valteri: Vetëm Basha dhe Gjin Gjoni kanë marrë leje lindjeje