POP 5

Lajmet më të lexuara të 5 minutave të fundit

Kronikë

Fier/ Nuk i ndalon patrullës së policisë, i gjenden 30 mijë euro në automjet (FOTO)

Nuk i ndalon me automjet patrullës së policisë, blutë i vihen nga pas dhe i gjejnë në makinë mbi 30 mijë euro 37-vjeçarit nga Fieri. Eurot i janë sekuestruar, ndërsa ndaj tij ka nisur edhe një hetim për dy vepra penale.
Fier/ Nuk i ndalon patrullës së policisë, i gjenden 30 mijë euro në automjet (FOTO)

Eurot që iu gjetën 37-vjeçarit nga Fieri

Nuk i bindet urdhërit të punonjësit të policisë për të ndaluar, ndiqet dhe kapet nga patrulla e policisë 37-vjeçari nga Fieri, K.B. Gjatë kontrollit të ushtruar në automjet blutë i kanë gjetur një shumë parash prej 30450 euro.

Shuma e eurove është sekuestruar ndërsa ndaj 37-vjeçarit ka nisur edhe një hetim për "mosbindje ndaj urdhrit të policisë" dhe "pastrim parash". Ai nuk ka dhënë shpjegime për origjinën e eurove që po transportonte me automjetin e tij tip "Mercedes Benz".

Ndërkaq, një ditë më parë policia kufitare në Portin e Durrësit gjeti në një çantë brenda një automjeti tip "Audi" 30 mijë paund. Paratë po transportoheshin nga tre shqiptarë, të cilët nuk i kishin deklaruar kur po iu nënshtroheshin procedurave të kontrollit.

Njoftimi i Policisë:

Nga Specialistët për Hetimin e Krimit Ekonomik e Financiar në Drejtorinë Vendore të Policisë Fier, u procedua penalisht shtetasi:

•K.B, 37 vjeç, banues në Fier.

Në datën 21.07.2018, në lagjen “1 Maji” Fier, në vendin e quajtur "Rotondo e Kryqëzimit të Parkut”, duke drejtuar mjetin tip “Benz”, nuk i është bindur urdhërit të punonjësve të policisë në pikë kontrolli dhe mbasi është ndjekur e ndaluar nga shërbimet e policisë, iu gjetën e sekuestruan në cilësinë e provës materiale 30450 euro, për të cilat nuk dha spjegim për origjinën e tyre.

Materialet i kaluan Prokurorisë pranë Gjykatës së Shkallës së Parë Fier për veprat penale "Pastrimi i produkteve të veprës penale" dhe "Mosbindja ndaj urdhërit të punonjësit të policisë së rendit publik" parashikuar nga Nenet 287 e 242 të Kodit Penal.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fredi: 22/07/2018 11:08

    Po 865 mije eurot e Sotes te Tahirit? Apo u harruan ato? Nejse bravo policia.

    Përgjigju
  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58