Fier, Rama-fermerëve: Paraqisni
projekte, përfitoni kredi nga FGK

Programi për ujitjen dhe kullimin, Fondi Kombëtar i Garancisë, titujt e pronësisë të tokës bujqësore janë nismat më të mëdha të qeverisë për rimëkëmbjen e fshatit dhe të bujqësisë.

Në kuadër të këtyre projekteve kryeministri Edi Rama bashkëbisedoi me fermerë në Vajkan të Fierit, ku inkurajoi fermerët të hartojnë projekte e të përfitojnë kredi që ndërmjetësohen nga Fondi I Garancive Kombëtare për bujqësinë.

‘’Kemi krijuar një procedurë shumë të thjeshtë që nuk detyron fermerët të shkojnë te bankat, por ne bëjmë gjithë procesin e ndërmjetëm. Janë rreth 300 milion euro potencialisht që ne mund t’i thithim në këtë proces. Është një shifër e jashtëzakonshme. Ama, nëse ne nuk jemi aktivë dhe nuk bëjmë punën tonë, detyrën tonë si fermerë dhe si qeveri, ato mbeten aty dhe nuk i marrim dot’’, u shpreh kryeministri. 

[gallery]18924[/gallery]








(Kryeministri Rama, gjatë takimit me banorët e fshatit Vajkan në Fier)

Gjatë vizitës në Fier kryeministri u ndal në dy shkolla në atë 9 vjeçare ''Andon Xoxa” e cila është rikonstruktuar totalisht me një fond prej 33 milionë lekë. Ndërsa ndoqi nga afër riknonstruksdionin e shkollës së mesme “Janaq Kilica” kryeministri gjatë një bashkëbisedimi me maturantët i siguroi se sistemi i ri i aplikimit për studimet e larta garanton vlerësimin e meritës.

‘’Sistemi është i tillë që bën të pamundur çdo lloj interferencë të faktorëve të tjerë në një proces ku vlerësohet në mënyrë kompjuterike merita në bazë të rezultateve’’, deklaroi Rama. 

Po ashtu kryeministri Edi Rama i shoqëruar nga kryetari i Bashkisë së Fierit Armando Subashi, inspektoi ecurinë e punimeve për rrugën Mujo Ulqinaku.

Ndërkaq hyrja e qytetit të Roskovecit tashmë është me një pamje të re pasi është bërë rikualifikimi urban i të gjithë kësaj rruge.

Kryeministri Edi Rama, i shoqëruar nga Kryetarja e Bashkisë së Roskovecit Majlinda Bufi, si dhe deputetë të zonës ishte në terren për të parë ecurinë e punimeve për Unazën, e cila tashmë do të jetë pjesë e rrugës nacionale interurbane Fier-Berat.

[gallery]18923[/gallery]









Redaksia Online 
XH.K/shqiptarja.com