POP 5

Lajmet më të lexuara të 5 minutave të fundit

Sociale

FIER/ Ura pa parmakë e Darëzezës, rrezik për aksidente! Banorët të frikësuar: Mund të përfundojmë në kanal! Bashkia: Së shpejti kolona betoni

E cilësuar edhe si 'Ura e vdekjes', u shërben 4 mijë banorëve. Trefishon trafikun gjatë muajve të verës, pasi vijnë shumë turistë dhe pushues në zonën e plazhit. Bashkia pranon problematikën dhe thekson se parmakët e vendosur janë vjedhur. Për këtë shkak, këtë herë do i vendosin kollona betoni. Banorët: Ndodhin shumë aksidente!

Fier- Ura e Darëzezës është ndër më të rrezikshmet në qarkun e Fierit, pasi nuk ka parmakë mbrojtës dhe drejtuesit e automjeteve rrezikojnë të bien në kanal.

Banorët janë ankuar disa herë, por zëri i tyre ka rënë në vesh të shurdhët. Pas interesimit të Report TV, Bashkia e Fierit premton se së shpejti do të vendosë anësore prej betoni, pasi parmakët janë vjedhur disa herë.

Ura që të çon në plazhin e Darëzezës tashmë është kthyer në një shqetësim për banorët e zonës dhe vizitorët. Për shkak të rrezikshmërisë dhe aksidenteve me vdekje, në zhargon njihet edhe si “Ura e Vdekjes”.

Ura njëkalimshme, me gjatësi 12 metra, nuk ka sinjalistikë, ndriçim dhe as parmakë mbrojtës. Banorët tregojnë se në dy anët e urës parmakët janë vjedhur nga persona të papërgjegjshëm dhe nuk janë zëvendësuar nga Bashkia e Fierit.

“Këtu 99% është burim aksidenti. Janë vjedhur parmakët, një ditë i pashë duke vjedhur”. Të paktën të zgjerohet ura, të jetë me dy akse, dhe ti vendosen parmakë. Parvjet janë bërë 8 aksidente”, shprehen banorët.

Dhe shtojnë se shpesh kanë qenë dëshmitarë të aksidenteve, ku makinat kanë përfunduar në kanal nga mungesa e parmakëve mbrojtës.

Kontaktuar nga Report tv, Bashkia e Fierit, përmes zyrës së shtypit, deklaron se “së shpejti do të kryhet zëvendësimi i parmakëve të hekurit me kolona betoni”.

Kjo urë u shërben rreth 4 000 mijë banore te disa fshatrave, ndërkohë gjatë sezonit turistik numri i përdoruesve të rrugës dhe urës 3-fishohet, nga pushuesit që frekuentojnë plazhin e Darëzezës.

A.Q/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57