POP 5

Lajmet më të lexuara të 5 minutave të fundit

Sociale

Fier/ Vidhen barrierat e rrugës në Cakran, udhëtarët në rrezik (VIDEO)

Segmenti rrugor Fier-Cakran është jashtë standardeve të sigurisë, pasi në pjesën më të madhe të gjatësisë mungojnë sinjalistika dhe barrierat mbrojtëse, të cilat vidhen nga persona të papërgjegjeshëm. Rruga është kthyer në rrezik për jetën e udhëtarëve

Me një gjatësi prej 17 km segmenti rrugor Fier-Cakran është jashtë standardeve të sigurisë, pasi në pjesën më të madhe të rrugës mungojnë barrierat mbrojtëse dhe sinjalistika.

Vjedhja dhe zhdukja e barrierave mbrojtëse anësore në kthesat më të rrezikshme të rrugës është kthyer në një shqetësim dhe rrezik për drejtuesit e mjeteve dhe jetën e qytetarve që udhëtojnë në këtë aks.

“Kjo ka qenë një krim i automobilistikës, që janë vjedhur të gjitha këto. Hajduti nuk kapet”, thotë një drejtues mjeti,

“Për të dashur duhen po se di ca ka ndodhur, janë vjedhur apo çfarë është bërë”, thotë një tjetër banor. 

“Rruga duhet të plotësohet menjëherë me barriera. Rrugët janë të rrezikshme sidomos natën.'- u shpreh një tjetër.

Për kreun e Njësisë Administrative Cakran, Ferdinand Korçari situata e vjedhjes së barrierave anësore është një fenomen i përsëritur, ndërsa problematikë për të mbetet dhe shembja e asfaltit të rrugës në disa segmente të saj.

‘Ka ndodhur në vazhdimësi në vitet e fundit, çdo vit janë vjedhur nga pak por më problematike janë pikat e grumbullimit të metaleve sepse diku i shesin këta që i vjedhin. Janë vjedhur pjesët më të rrezikshme të rrugës.’- tha Ferdinand Korçari, kreu i njësisë Administrative Cakran.

Aksi rrugor Fier –Cakran u shërben më shumë se 20 mijë banorëve të njesise administrative Cakran per te levizur drejt qytetit te Fierit, ndërsa prej vitesh mungojnë investimet e ARRSH për të përmirësuar infrastrukturën e kësaj rruge.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57