POP 5

Lajmet më të lexuara të 5 minutave të fundit

Politikë

Fier, Zeqaj: Po shpresojmë
shumë për 3 projekte të mëdha

Bashkia e Fierit është duke shpresuar shumë në shtimin e investimeve të buxhetit dhe të donatorëve të huaj në qytet, veçanërisht për të zgjidhur tri probleme të rëndësishme, që janë: lumi Gjanica, spitali rajonal dhe pallati i sportit.
FIER – Bashkia e Fierit është duke shpresuar shumë në shtimin e investimeve të buxhetit dhe të donatorëve të huaj në qytet, veçanërisht për të zgjidhur tri probleme të rëndësishme, që janë: lumi Gjanica, spitali rajonal dhe pallati i sportit.

Situata në qytetin e Fierit pas zgjedhjeve është përshkruar nga Kryetari i bashkisë së këtij qytetit, Baftjar Zeqaj në televizionin “A1Report!”. Në prononcimin e tij, Zeqaj e ka vënë theksin tek disa investime, që janë lënë pas dore si rezultat i mosinteresimit nga qeveria aktuale. Ai tha: “Me fitoren e së majtës, qyteti i Fierit do të kapë intensitetin e investimve që ka patur para disa vitesh. Ne duam që Fierit t’i rikthehen ato investime të munguara deri më sot,  ç’ka do të thotë se presim një buxhet, presim grante konkuruese, presim projekte konkuruese,  pra, me te drejtë ato që na takojnë.”
 
“Në këtë kuptim,” - shprehet ai,- “ ritmet e investimeve në bashkinë e Fierit do të ndryshojnë,  po e theksoj, pa favorizime dhe veç kësaj, unë shpresoj dhe besoj se do t’i rikthehemi  projekteve strategjike  të qytetit të Fierit që janë Gjanica , spitali rajonal, pallati i sportit .
 
Kam bindjen që do të vazhdojë puna për blloqet e pallateve , e cila është një punë pothuajse e lënë përgjysëm, pasi  bashkia ishte përqëndruar në disa disa investime të tjera të domosdoshme. Jam i sigurtë që klima do të përmirësohet  shumë edhe nga investitorët  e huaj dhe nga donatorët  e huaj,  sepse bashkitë e majta  kanë qënë të braktisura nga investitorët e huaj.
 
Të futesh në njësitë vendore, të nënshkruash një akt marrëveshjeje,  domosdoshmërisht do kalosh  nga qeveria shqiptare . Qeverisë shqiptare,” - ka vijuar me tej kryebashkiaku i Fierit, - “i ka munguar vullneti  dhe dëshira që njësitë vendore  të majta të përfitojnë  nga donatorët e huaj , nga bankat e huaja dhe nga investitorët e huaj.
 
Krahas buxhetit që meriton, bashkisë së Fierit, si  treti kontribues  në buxhetin e shtetit  do t’i shtohen edhe investitorët e huaj dhe donatorët e huaj. Une besoj që fundviti dhe viti tjetër do të risjellin  një klimë shumë të mirë në fushën e investimeve,”- përfundoi Zeqaj.

Redaksia online
(ar.sh/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55