POP 5

Lajmet më të lexuara të 5 minutave të fundit

‘Nuk të duhet një arsye, por veç një zemër e mirë’, Fieri dërgon ndihma në Ukrainë, mbërrijnë në Kharkiv 20 ton perime

Në një kohë që populli i Ukrainës po përballet me një situatë teje të vështirë për shkak të luftës, nevojat humanitare janë gjithmonë e në rritje. Shumë vende dhe persona janë angazhuar që t’i vijnë në ndihmë popullit Ukrainas në nevojë.

‘Nuk të duhet një arsye, por veç një zemër e mirë’, Fieri dërgon ndihma në Ukrainë, mbërrijnë në Kharkiv 20 ton perime

Ndihmat e dërguara nga Qarku i Fierit në Kharkiv

FIER- Në një kohë që populli i Ukrainës po përballet me një situatë teje të vështirë për shkak të luftës, nevojat humanitare janë gjithmonë e në rritje. Shumë vende dhe persona janë angazhuar që t’i vijnë në ndihmë popullit ukrainas në nevojë.

E tillë është dhe ndihma që ka mbërritur sot në rajonin e Kharkivit nga Fieri, qyteti shqiptar që ka bërë një gjest mjaft të veçantë duke dërguar një ngarkesë prej 20 tonë perimesh, për të lehtësuar sadopak nevojat e disa personave.

Dërgimi i kësaj ndihme u realizua nga grumbulluesit e perimeve dhe nga disa biznese të tjera që kontribuuan për të mbuluar kostot e transportit. Lajmin e ka konfirmuar dhe vetë Prefekti i Qarkut të Fierit, Lefter Shehaj në një postim në faqen e tij zyrtare në "Facebook", duke falënderuar dhe personat që bënë të mundur dërgesën.

"Nuk të duhet një arsye për të ndihmuar atë që ka nevojë , të duhet veç një zemër e mirë . Mbërriti sot në rajonin e Kharkivit në Ukrainë ndihma humanitare me 20 ton perime, e dërguar nga  qarku i Fierit. Ishte pikërisht Memorandumi mbi Mirëkuptimin, Miqësinë dhe Bashkëpunimin, nënshkruar mes Prefektit të Qarkut Fier  dhe  Kryetares së Këshillit Rajonal të Kharkivit, znj.Tatiana Egorova-Lutsenko, në 12  Maj 2022 që çeli siparin e një marrëdhënie të veçantë mes dy rajoneve tona. Një falënderim shumë i madh shkon për grumbulluesit e perimeve dhe subjektet e tjera që kontribuuan për të mbuluar kostot e transportit si dhe për Dhomën e Tregtisë Fier për bashkëpunimin, për të mundësuar realizimin me sukses të kësaj ndihme humanitare .Kjo ndihmë shkon si mesazh mbështetje, nga kombi i Nënë Terezës për popullin e Ukrainës, në emër e shërbim të kauzave të lirisë e paqes”, shkruan Shehaj në Facebook.

S.C/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Bobo: 20/06/2022 20:30

    Po mire mor fshatar te nderuar . E mbani mend kur nuk ju shitej malli dhe e hidhnin ne lum dhe ne plehra? Perse nuk ja jepnin familjeve te varfera shqipetare. Uroj qe vitin tjeter tju shitet malli

    Përgjigju
  • emri: 20/06/2022 19:55

    fiks fare! se ketyre dhe nuk ju shiten.

    Përgjigju
  • Sondazhi i ditës: 15 Mars, 07:27

    A mendoni se SPAK po e heton siç duhet masakrën e Gërdecit?

Lajme të tjera



×

Lajmi i fundit

Zjarri në lokalin e natës në Maqedoninë e Veriut, Osmani: Një lajm shkatërrues! Kurti: Ngushëllime për familjet që humbën të dashurit e tyre

Zjarri në lokalin e natës në Maqedoninë e Veriut, Osmani: Një lajm shkatërrues! Kurti: Ngushëllime për familjet që humbën të dashurit e tyre

16 Mars, 12:09