Filipine, mbi 1900 të vrarë
 në operacionet antidrogë

Mbi 1900 persona janë vrarë gjatë 7 javëve të fundit në Filipine gjatë operacioneve masive të policisë kundër drogës.

Numri 1 i policisë në Filipine, Ronald dela Rosa tha se në operacionet e policisë janë vrarë rreth 750 persona, ndërsa nënvizoi se vdekjet e tjera po hetohen. 

Ky është numri më i lartë i vdekjeve të verifikuar që nga zgjedhja e Rodrigo Duterte president. Duerte fitoi zgjedhjet presidenciale me premtimin e tij për një dorë të hekurt ndaj trafikantëve të drogës. 

Më herët ai u bëri thirrje qytetarëve që të qëllojnë dhe të vrasin trafikantët që i bëjnë rezistencë arrestimit dhe theksoi se vrasjet e tyre ishin të ligjshme nëse policia do të vepronte për vetëmbrojtje. 

Shtetet e Bashkuara janë shprehur “thellësisht të shqetësuara” nga rritja e vrasjeve të lidhura me drogën. 


Redaksia Online
Al.Ç/Shqiptarja.com