Fillojnë peticionet, komunat kërkojnë
të qeverisin të vetme
Pas tetë mbledhjeve dhe seancave dëgjimore me grupet e interesit në Komisionin e Reformës Administrative-Territoriale, janë depozituar peticionet e para në të cilat kërkohet bashkimi vullnetar mes komunave apo edhe autonomi dhe qeverisje si njësi të vetme administrative.
TIRANE- Pas tetë mbledhjeve dhe seancave dëgjimore me grupet e interesit në Komisionin e Reformës Administrative-Territoriale, janë depozituar peticionet e para në të cilat kërkohet bashkimi vullnetar mes komunave apo edhe autonomi dhe qeverisje si njësi të vetme administrative. Kryetari i Komisionit të Reformës Territoriale, Bashkim Fino, ka bërë publike emrat e këtyre komunave dhe ka kërkuar nga anëtarët e tjerë të komisionit, shqyrtimin e secilit rast. Deputeti socialist ftoi të gjithë krerët vendorë të shprehin propozimet e tyre pas datës 16 maj kur për reformën territoriale do kryhen konsulta me drejtuesit e pushtetit vendor, në mënyrë që para hartimit të një harte përfundimtare, të dëgjohen të gjitha grupet e interesit për të realizuar një reformë gjithëpërfshirëse.
Në peticionet e paraqitura është edhe ai i Këshillit të Komunës së Ksamilit, e cila ka kërkuar që të jetë njësi më vete e pushtetit vendor, duke marrë emërtimin “Komuna Butrint” dhe duke pasur si qendër Ksamilin. Propozimet e tjera për “shkrirje” mes fshatrave dhe komunave, lidhet ngushtë në traditat kulturore dhe historike mes tyre dhe avantazheve ekonomike për shkak të zhvillimit të turizmit që mund të kenë nëse bashkohen mes tyre. Gjatë mbledhjes së djeshme, Komisioni i Reformës Territoriale ka zhvilluar dy seanca dëgjimore ku të pranishëm kanë qenë përfaqësues të Komunitetit Ndërkombëtar(OSBE,Këshilli i Europës,USAID,UNDP,SIDA, Italian, Cooperation),përfaqësues të Avokatit të Popullit, Këshillit të Lartë i Shtetit dhe Inspektoriatit të Lartë të Deklarimit dhe Kontrollit të Pasurive.
Gjatë seancës së paradites, komuniteti ndërkombëtar ka shprehur mbështetjen e plotë për realizimin e reformës, si një hap i rëndësishëm në konsolidimin e njësive të qeverisjes vendore. Të gjitha sugjerimet e tyre organizatat e huaja i kanë përfshirë në një deklaratë të përbashkët të cilën e kanë bërë publike, ku shprehnin rëndësinë e reformës për vendin dhe shkurtimin e shumë prej njësive vendore ekzistuese. Ndërkombëtarët kanë kërkuar gjithashtu konsensus nga politika për realizimin e reformës për shkak të rëndësisë dhe ndikimit që do të ketë kur të hartohet.
Institucionet e PavaruraGjatë pasdites, në senacë degjimore për reformën territoriale janë thirrur përfaqësues të Institucioneve të Pavarura(Avokati i Popullit, ILDKP dhe KLSH). Përfaqësuesja e Avokatit të Popullit ka shprehur mbështetje për realizimin e reformës territoriale. Sipas përfaqësues së këtij institucioni, reforma do të sillte edhe një ulje të ndjeshme të inefiçensës në pushtetin lokal. “Ne si institucion, kemi marrë në vitin 2013 rreth 580 ankesa nga qytetarë të ndryshëm për shkak të mungesës së shërbimit në bashki dhe komuna, mosdhënies së pagesave, probleme me pronën dhe refuzimin për strehim të shtresave në nevojë”, u shpreh Ertilda Saliaj.
Domosdoshmërinë e reformës e mbështetën edhe përfaqësuesit e KLSH-së dhe ILDKP-së, duke vënë theksin në efikasitetin më të madh të kontrollit të shpërndarjes së të ardhurave në këto institucione dhe mënyrës se si ato do menaxhohen nga krerët vendorë.Në përfundim,kryetari i Komisionit Bashkim Fino, ka bërë edhe një herë ftesë për opozitën dhe ka kujtuar se pas datës 16 maj do fillojnë konsultat me përfaqësues lokalë.
Redaksia online
(d.a/shqiptarja.com)
Sondazhi i ditës:
Skandali tek Onkologjiku, e kujt është përgjëgjesia?
-
Mjekëve
40%
-
Ministrisë
56.9%
-
Nuk e di
3%
Vota total: 2568
Votat totale janë unike
Lajme të tjera
-
Vota e diasporës/ OSBE: Mbeten vetëm 10 muaj për ta realizuar, e vështirë edhe për vendet e zhvilluara! Partitë të gjejnë marrëveshje sa më shpejt
4 Qershor, 20:59
-
PROFILI/ Merr detyrën kreu i ri i Prezencës së OSBE-së në Shqipëri, Tarran: Pres me padurim të punoj krah partnerëve shqiptarë
22 Maj, 11:51
-
Lufta në Ukrainë/ Moska: Sulmi në Belgorod nga Kievi u krye me armë të furnizuara nga NATO
12 Maj, 16:45
-
Basha takon ambasadoren e OSBE, në fokus reforma zgjedhore dhe drejtësia
18 Prill, 19:56
-
Celibashi diskuton me përfaqësues të ODIHR për auditimin e teknologjive në zgjedhje: Vendosëm piketat për bashkëpunim të ngushtë teknik
13 Prill, 19:27
-
Prezenca e OSBE-së organizon vizitë në Suedi për gazetarët shqiptarë, për të përmirësuar raportimin për çështjet e sigurisë
13 Prill, 14:03
-
Ambasadorët e QUINT-it në OSBE vizitë në Shqipëri: Përmbushni rekomandimet e ODIHR për reformën zgjedhore
19 Mars, 17:52
-
Gjiknuri dhe Alibeaj takohen me përfaqësuesit e ODIHR-it, dakordësim për mënyrën e hartimit të drafteve ligjore për ndryshime në Kodin Zgjedhor
4 Mars, 17:30
-
OSBE trajnon qentë…
2 Mars, 18:06
-
Celibashi takon kryetaren e misionit të OSBE-së: Zhvilluan një bisedë të thelluar mbi Reformën Zgjedhore në Shqipëri
16 Shkurt, 15:34
-
Sot Dita Ndërkombëtare Përkujtimore e Holokaustit, ish-ambasadori i OSBE: Si i shpëtuan shqiptarët hebrenjtë nga nazistët
27 Janar, 08:59
-
Një ditë para mbledhjes së komisionit për 'Zgjedhoren', OSBE apel deputetëve: Kontribuoni për një proces parlamentar funksional
18 Janar, 16:50