POP 5

Lajmet më të lexuara të 5 minutave të fundit

Kultura

Filmi 'Delegacioni' triumfon në Trieste, merr çmimin 'Filmi më i mirë'

Një tjetër trofe për kinematografinë shqiptare. Filmi “Delegacioni” me regji të Bujar Alimanit dhe me skenar të Artan Minarollit, pas çmimit të madh “Grand Prix” në Varshavë fiton në Festivalin e Filmit të Triestes, çmimin që mban emrin e këtij qyteti.

Filmi “Delegacioni” me regji të Bujar Alimanit edhe me skenar të Artan Minarollit, pas çmimit të madh “Grand Prix” në Varshavë arriti të vlerësohet në Festivalin e Filmit të Triestes, si filmi më i mirë i gjatë. Çmimi “Trieste” (5000 euro) iu dorëzua Alimanit për filmin e gjatë më të mirë që trajton tentativat ekstreme të sistemit komunist në fund të viteve ’90.

Por, “Delegacioni” ka rrëmbyer edhe një tjetër trofe, “PAG” iu dorëzua nga juria e të rinjve, me motivacionin: “Regjia lëvizë si uji, një element shumë simbolik në film, në mjegullat paradokse të historisë politike, i përforcuar në studion e ngjyrave edhe të dritës”.

Ngjarjet në film zhvillohen në tetor të vitit 1990. Regjimi komunist kërkon të mbajë pushtetin, ndërsa në Tiranë vjen një delegacion evropian për të parë nga afër mbarëvajtjen e reformave të qeverisë.

Kusht ky, që Shqipëria të pranohet në OSBE. Leo, i dënuar me 15 vite burg, është bërë jashtëzakonisht i vlefshëm për pushtetin e kohës, sepse delegacioni udhëhiqet nga një shok i shkollës së vjetër të Leos. Ai duhet të bind delegacionin se çdo gjë është në rregull, por ngjarjet marrin tjetër rrjedhë.

Festivali i Filmit në Triste, është krijuar në prag të rënies së Murit të Berlinit, (1987) nga Fabrizio Grosoli dhe Nicoletta Romeo. Është çmimi më i rëndësishëm italian, kushtuar kinemasë së Evropës Qendrore dhe Lindore.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Nxitimi mund t'ju çojë në gabime... çfarë kanë rezervuar yjet për sot

Nxitimi mund t'ju çojë në gabime... çfarë kanë rezervuar yjet për sot

30 Janar, 07:14