POP 5

Lajmet më të lexuara të 5 minutave të fundit

Kronikë

Filmimi, i vetëvrari be në Zot para policit se s’është hajduti

Ardian Kallami, njeriu që i dha fund jetës së tij vetëm pak orë pasi kishte dalë nga komisariati i Vaut të Dejës, ku kishte firmosur një deklaratë se pranonte që ishte autor i një vjedhje, ka filmuar veten e tij përpara se të ndërmerte aktin ekstrem
Filmimi, i vetëvrari be në Zot para policit se s’është hajduti

I vetëvrari Ardian Kallami

Ardian Kallami, njeriu që i dha fund jetës së tij vetëm pak orë pasi kishte dalë nga komisariati i Vaut të Dejës, ku kishte firmosur një deklaratë se pranonte që ishte autor i një vjedhje, ka filmuar veten e tij përpara se të ndërmerte aktin ekstrem.

47-vjeçari Kallmi ka filmuar veten e tij në prani të një efektivi policie, thonë burime pranë prokurorisë së Shkodrës, filmim ky që tashmë është administruar si provë e fortë në këtë dosje penale që ka nisur ndaj tre efektivë të policisë Paulin Çupi dhe dy policëve të zonës me inicialet Z. D dhe P. Zh. Në video-regjistrimin Ardian Kallmi përpara se të vriste veten rezulton se i ka deklaruar një efektivi të policisë, se ai nuk ka qënë autor i vjedhjes së materialeve, në banesën e komshiut të tij.

Përmbajtja e videos
Sipas përmbajtjes së kësaj video, dhe asaj që dëgjohet rezulton se Kallmi bën be në zot që nuk është autor i krimit,por dhunimi, presionet dhe keqtrajtimi në polici, e kanë detyruar të bëjë atë deklaratë të turpshme,duke i nxirë moralin vetes dhe familjes së tij. Burimet thanë se në këtë video, Ardian Kallmi shfaqet i tensionuar, revoltuar dhe për më tepër i penduar për firmosjen e asaj deklarate që pranonte krimin e vjedhjes.

Sipas burimeve të prokurorisë Kallmi i ka dhënë fund jetës, duke u gjendur në kushte shumë të vështira emocionale dhe morale, duke zgjedhur vetëflijimin. Momentalisht prokuroria e Shkodrës, ka marrë në pyetje tre policët e pezulluar nga detyra, të cilët në deklarimet e tyre nuk kanë pranuar të kenë ushtruar dhunë fizike apo psikologjike ndaj 47-vjeçarit Ardian Kallmi. Kjo vetëvrasje ka shkaktuar fortunë në Komisariatin e Vaut të Dejës. Drejtori i Përgjithshëm i Policisë së Shtetit Ardi Veliu, ka urdhëruar pezullimin e shefit të Komisariatit të Vaut të Dejës, Paulin Çupi dhe dy policë të zonës me inicialet Z. D dhe P. Zh. Gjithashtu mësohet se Shërbimi i Çështjeve të Brendshme dhe ankesave ka nisur hetimin e 9 efektivëve të këtij komisariati, përfshirë edhe tre të pezulluarit. Dyshohet se efektivët që kanë trajtuar rastin kanë ushtruar dhunë fizike e psikologjike ndaj 47-vjeçarit, i cili në çdo rast ka mohuar akuzën.

Por në një procesverbal të mbajtur nga oficerët e policisë që e morën në pyetje, që tashmë është administruar nga Prokuroria, Ardian Kallami ka firmosur mbi një deklarim ku pranon grabitjen dhe se sendet e vjedhura do t'i kthente brenda dy ditëve. “Unë Ardian Ndreli Kallami ju garantoj se brenda dy ditëve do shkojnë materialet tek banesa e fqinjit Mandit. Deklaroj nën përgjegjësinë time se çfarë deklarova më sipër ishin në vullnetin tim dhe që mos kryeja e kësaj pune që premtova jam dakord për të mbajtur përgjegjësi ligjore”-ka shkruar Kallami në polici.

Reagimi i Xhafaj e vajzës së viktimës
Edhe ministri i brendshëm Fatmir Xhafaj ka kërkuar nga Policia e Shtetit që të zbardh plotësisht këtë ngjarje dhe të marrë masa të ashpra ndaj personave përgjegjës. Nga ana tjetër, Romina Kallami, vajza e 47-vjeçarit Ardian Kallami, ka deklaruar se babai i saj është dhunuar nga uniformat blu dhe kjo është e faktuar edhe me një regjistrim të bërë nga ana e viktimës dhe që është administruar nga prokuroria. Ajo rrëfen mes dhimbjesh e lotëve se gjashtë muaj më parë ka humbur nënën e saj, dhe tashmë edhe të atin.

Ajo u shpreh e bindur se babai i saj nuk është vetëvrarë, por është dhunuar nga policia, duke shtuar se i ati i kishte treguar gjithçka. 47-vjeçari Ardian Kallami u shoqërua të shtunën nga policia, me dyshimin e grabitjes së një banese në Vaun e Dejës, por më pas u lirua. Ai u shoqërua sërish në polici ku dyshohet se efektivët që e kanë marrë në pyetje e kanë dhunuar. Pas lirimit për herë të dytë, 47-vjeçari është kthyer në banesë dhe pas disa minutash është gjetur i vetëvarur nga familjarët.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça