POP 5

Lajmet më të lexuara të 5 minutave të fundit

Sport

Finalja e Evropianit/ Spanja mund të vendosë rekorde të frikshme, Anglia do suksesin historik! Detajet e Berlinit

‘Tre luanët’ duan ti japin fund thatësirës për një trofe dhe të shkruajnë historinë, teksa trajneri Southgate thotë se nuk ka rëndësi mënyra sesi luajnë, por suksesi në fund.

Kontinenti i vjetër do mbajë frymën sonte, pasi duke nisur nga ora 21:00 në Olympiastadion të Berlinit do luhet finalja e madhe e Evropianit që sheh përballë Spanjën dhe Anglinë. Dy botë të ndryshme sa i takon futbollit që kanë shfaqur këtë verë në Gjermani, pasi në një anë kemi iberikët të cilët kanë shkëlqyer me lojë dhe rezultate, ndërsa nga ana tjetër ‘tre luanët’ kanë çaluar në lojë, por janë treguar pragmatistë dhe rezultativë.

Për Anglinë është finalja e dytë radhazi e Evropianit dhe në ishull të gjithë po kryqëzojnë gishtat për të fituar trofeun, duke qenë se prej 58 vitesh ‘tre luanët’ s’kanë fituar asnjë trofe madhor. Nëse të besuarit e Southgate ia dalin do bëjnë historinë, pasi ky do ishte trofeu i parë Evropian për Anglinë.

Nga ana tjetër për Spanjën ky do ishte trofeu i katërt i Evropianit, që do shndërrohej gjithashtu në një rekord, pasi aktualisht si ‘La Roha’ ashtu edhe Gjermania kanë nga 3 trofe të fituar, të ndjekur nga Italia dhe Franca me dy. Spanja në këtë Evropian ka fituar 6 nga 6 ndeshjet e mundshme, ndërsa sonte mund të jetë e 7, duke e çuar në 100% suksesin.

Në stadiumin 71 mijë vendësh të Berlinit Spanja e nis si favorite, pasi ka koeficentin 2.5 për fitore, ndërsa Anglia 3.4. Trajneri i Spanjës de la Fuente para finales është shprehur se të tilla përballlje nuk kanë favorit, ndërsa trajneri i Anglisë Southgate ka pohuar se nuk ka rëndësi sesi luan, por ngritja e trofeut në fund.

Ne.k./I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • HAJDAR KARUC REXHEP BULE LEKA [ KEPI ]: 14/07/2024 20:16

    Jamaika sot realizon 2 gola e mer kpucēn e Art.

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51