POP 5

Lajmet më të lexuara të 5 minutave të fundit

Sport

Finalja e 'final-four'/ Pa favoritë dhe më shumë tifoz, Partizani dhe Egnatia nuk fitojnë vetëm trofeun! Në lojë edhe 1 mln euro

Finalja e Superligës me skemën final-four Partizani-Egnatia do jetë pa favoritë. Megjithatë përveç lavdisë dhe trofeut, për fituesin do ketë afërsisht 1 milionë euro shpërblime, ndërsa janë mësuar edhe ndihmësit e arbitrit anglez në finale. Ndryshe nga dy gjysmëfinalet, ky 90 minutësh pritet të ketë një numër më të lartë tifozësh në Air Albania.

Të dielën merret verdikti i një sezoni. Pas 36 javësh kampionat dhe 2 gjysmëfinaleve, duke nisur nga ora 19:00 luhet sfida më e  rëndësishme, pasi 90 minutat e Partizani-Egnatia do vendosin kampionin e Shqipërisë. Një përballje ku është e vështirë të dallosh favoritin, por gjatë sezoni 3 ndeshje janë mbyllur në barazim, ndërsa e fundit për fazën e katërt është fituar 2-1 nga Egnatia. Megjithatë edhe këtu ka baraspeshë, pasi Partizani më herët fitoi superkupën pikërisht ndaj rrogozhinasve, të cilët sezonin e rregullt pas 36 javësh e mbyllën në vendin e parë me 63 pikë, po aq sa të kuqtë e vendit të dytë, por që i favorizoi përballja direkte.

Përveç trofeut, fituesi me skemën ‘final-four’, do marrë edhe 10 milionë lekë shpërblim nga federata, ndërsa gjithashtu do luajë në eliminatoret e Champions League, që sjellin edhe frymëmarrje ekonomike për skuadrat shqiptare. Edhe nëse nuk kalon asnjë tur, fillimisht në Champions League dhe më pas në Conference League, fituesja e Superligës do sigurojë minimalisht 960 mijë euro nga UEFA, e cila ka rritur shpërblimet për skemat e reja që do përdorë.

Ndërkohë janë mësuar edhe ndihmësit e gjyqtarit anglez Anthony Taylor i cili do drejtoje finalen e final-four. Ndihmësit e tij do jenë Gary Besëick, Adam Nunn dhe Robert Jones në VAR.

Ndryshe nga gjysmëfinalet, finalja pritet të ketë edhe një numër më të lartë tifozësh. Rreth 2500 pritet nga Rrogozhina, që është një qytet i vogël. Çmimet e biletave për këtë ndeshje historike fillojnë nga 1 mijë lekë pas porte deri në 10 mijë lekë në tribunën vip.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57