ITALI- Katër shqiptarë u arrestuan nga policia italiane në zonën e Barit pasi dyshohen se kanë mbledhur dhe kanë dërguar para për financimin e veprimtarisë terroriste të imamit të një xhamie në Kavajë, Genci Balla, i dënuar me 17 vite burg për rekrutimin e dhjetëra luftëtarëve të dërguar në Siri.
Në arrest shtëpie kanë përfunduar Yljan Muça, 31 vjeç, Roland Lleshi, 37 vjeç, Elsio Ramku, 33 vjeç, Roland Belba, 37 vjeç.
Yljan Muça ishte personi në krye të skemës së grumbullimit të parave për të financuar terrorizimin. Lleshi dhe Ramku kishin rolin e ndërmjetësit dhe Roland Belba, që sipas mediave fqinje është kunati i Muçës, në bashkëpunim me 2 persona të tjerë në Shqipëri, i transferonte paratë, siç është zbuluar në një rast, në një çantë dore të fshehur në një kamion në bordin e një trageti. Sipas autoriteteve italiane, me paratë e grumbulluar nëpërmjet rrjeteve sociale përfshi dhe WhatsApp, grupi i Genci Ballës do të kryente akte terroriste.
Operacioni i koduar “Ushtari i padukshëm” nisi hetimet në prill të 2020 nën bashkëpunimin e Drejtorisë së Policisë së Parandalimit të terrorizmit të huaj e Drejtorisë së Anti-mafias e anti-terrorizmit të Barit e Cuneo. Hetimet e bazuara në teknikat moderne të monitorimit të komunimit në ëeb, kanë identifikuar se katër shqiptarët mbështesnin propagandën xhihadiste dhe kanë gjetur priva si shpërndanin komunikata e dokumente të përkthyera në shqip të ish-liderit të Shtetit Islamik Abu Bakr Al Baghdadi e zëvendësuesit të tij Ebu Ibrahim El Hashimi El Kureshi. Dokumentet në shqip redaktoheshin nga imami shqiptar i dënuar, Genci Balla.
Gjatë hetimeve, u zbulua se si ky grup e konsideronin COVID-19 si "një ushtar i vogël i Allahut" i dërguar për të ndëshkuar perëndimorët.
Hetimi në Shqipëri për grupin e imamëve të vetëshpallur u drejtua nga prokurorja Elizabeta Imeraj dhe Gledis Nano, asokohe kreu i Anti-Terrorit, sot Drejtor i Përgjithshëm i Policisë së Shtetit. Aktualisht Genci Balla ndodhet i izoluar në regjimin “41-BISS”, për shkak të rrezikshmërisë që paraqet.
Genc Balla
“Burrat që qëndrojnë në “Facebook” dhe shajnë luftën e shenjtë në Siri, nuk janë burra por lepuj”. Kështu u drejtohet dëgjuesve të tij Genci Balla ose siç njihet ndryshe me emrin Abdurrahim Balla. Në video dëgjohej vetëm zëri i Abdurrahim Ballës, ku thoshte në hyrje të fjalimit, se të pranishmit do të njiheshin me situatën në Siri.
Sipas Abdurrahim Ballës, në këtë shtet po bëhet një luftë e shenjtë mes dy ushtrive, ushtrisë së lirë dhe ushtrisë së “Tagutit”, duke nënkuptuar forcat Ushtarake të Assadit. Në video, Balla bënte thirrje që çdo besimtar të shkonte në këtë luftë të shenjtë për të vendosur dhe krijuar shtetin islamik. Ndërkohë spekulantët i quan frikacakë dhe ia ka lënë në dorë Allahut për t’i dënuar. Sipas ligjëratës së Genci Ballës, luftëtarët shqiptarë që shkojnë në Siri bashkë me gra dhe me fëmijë, luftojnë vetëm për Allahun dhe jo për privilegje financiare.
Për Shërbimin Informativ Shtetëror dhe Prokurorinë e Krimeve të Rënda, Balla është organizatori i rekrutimit të mbi 50 personave, stërvitjen e tyre nga ana ushtarake dhe më pas dërgimin nëpërmjet disa personave të tjerë të grupit, me bazë veprimi në Shqipëri dhe Turqi, në betejat e përgjakshme të Sirisë.
Lajme të tjera
-
VIDEO/ Rrëzim dramatik për çiklistin, përplas kokën me shtyllën! Kaska i shpëton jetën
18 Prill, 21:31 -
Shqiptari humb jetën në kantierin e ndërtimit në Itali! Komuniteti vajton njeriun me zemër të madhe! Iku nga Shqipëria me varkë, në Asola ndërtoi shtëpinë me 600 bashkëatdhetarë
18 Prill, 14:41 -
Roma rinovon marrëveshjen me trajnerin Daniele De Rossi
18 Prill, 09:47 -
Testet e reja, mbrojtësi i Romës s'ka probleme në zemër
17 Prill, 20:36 -
E rëndë në Itali, 58-vjeçari shqiptar humb jetën vendin e punës! Bie nga skela e ndërtimit
17 Prill, 10:03 -
Futbollisti 26-vjeçar humbi jetën në fushë, në Itali nisin hetimet! I ati i sulmuesit: S'kishte as mjek e as ambulancë
16 Prill, 22:37 -
Adriano Galliani: Milani, Interi, Juve dhe Roma e duan Serinë A me 18 ekipe, lëvizje e vrazhdë
16 Prill, 19:07 -
Fondacioni italian nga Molise, mbjell ullinj autoktonë nga Termolij në Parkun Europa, Veliaj: Simbol i miqësisë mes dy vendeve tona
16 Prill, 14:05 -
Marrëveshja për emigrantët, La Repubblica: Kampi nuk hapet më 20 maj, pritet të jetë gati rreth nëntorit! Kostot për Italinë 1 mld € për 5 vite
15 Prill, 07:42
-
VIDEO/ Frikë në Udinese - Roma, Ndicka ndjen dhimbje në gjoks dhe rrëzohet në fushë! Shtyhet ndeshja
14 Prill, 19:49 -
Itali/ Veliaj takon homologët e Veronës dhe Viçencës: Zgjerojmë bashkëpunimin për ‘Eco Tiranën’, së shpejti shërbime të reja në kryeqytet
14 Prill, 15:08 -
Borxhi 250 milionë euro, arabët i 'trokasin' Interit në derë! Zhang po negocion shitjen e klubit
13 Prill, 10:24
