Finlandë, Meta takim me kreun
e Komisionit të Mbrojtjes, Kanerva

Kryetari i Kuvendit Ilir Meta ka zhvilluar një vizitë zyrtare në Finlandë ku u prit nga Kryetari i Komisionit të Mbrojtjes njëkohësisht dhe Ish-Presidentin e Asamblesë Parlamentare te OSBE, Ilka Kanerva.

Në qendër të këtij takimi i bashkëpunimi dypalësh mes vendeve veçanërisht në fushat e mbrojtjes dhe sigurisë në kuadër të zhvillimeve globale.
 
Në fjalën e tij Meta falënderoi  Kanervën për kontributin e tij në marrëdhëniet mes Shqipërisë dhe Finlandës dhe për mbështetjen që Finlanda i jep Shqipërisë në rrugëtimin e saj evropian.

Ai i ka dorëzuar Kanervës titullin “Për Merita të Veçanta Civile” të akorduar nga Presidenti Bujar Nishani me motivacionin “Për kontributin e tij të çmuar në forcimin e marrëdhënieve dypalëshe ndërmjet Shqipërisë dhe Finlandës, njohjen më të mirë të kulturës, traditave dhe historisë së popullit shqiptar në Finlandë, si dhe për ndihmesën ndaj bashkësisë shqiptare që jeton atje”.
 
Pas marrjes së titullit, Kryetari i Komisionit të Mbrojtjes në Parlamentin e Finlandës, Ilka Kanerva, falënderoi Metën për këtë vlerësim dhe shprehu bindjen se marrëdhëniet mes dy vendeve janë mjaft të mira.
 
“Ju falënderoj nga thellësia e zemrës, është nder i madh për mua të marr këtë titull nga Presidenti i Republikës së Shqipërisë. Dua të shfrytëzoj këtë mundësi për të vlerësuar bashkëpunimin e shkëlqyer që kam pasur me kolegët shqiptarë përgjatë viteve.Mund të them me bindje të plotë se marrëdhëniet midis Finlandës e Shqipërisë janë vërtetë të mira. Sigurisht ka ende mundësi për të thelluar edhe më tej bashkëpunimin dhe kontaktet institucionale"- deklaroi Kryetari i Komisionit të Mbrojtjes në Parlamentin e Finlandës, Ilka Kanerva.

Redaksia Online
(B.K/Shqiptarja.com)
 

TAG:
• OSBE