Finlandezët votojnë sot për të zgjedhur presidentin e ri mes tensioneve me Rusinë

Finlandezët votojnë sot për të zgjedhur presidentin e ri mes tensioneve me Rusinë

Foto ilustruese

Finlandezët po votojnë sot (28 Janar) për të zgjedhur presidentin e tyre të ri, pasi tensionet me Rusinë fqinje u përshkallëzuan pas shpërthimit të luftës në Ukrainë.

Duke mbajtur një qëndrim neutral gjatë Luftës së Ftohtë, Finlanda vitin e kaluar u bë anëtari i 31-të i NATO-s.

Për raundin e parë të zgjedhjeve presidenciale, dy figura politike finlandeze kryesojnë mes nëntë kandidatëve, sipas sondazheve: ish-kryeministri konservator Alexander Stubb dhe ish-ministri i Jashtëm Pekka Haavisto nga partia e Gjelbër. Në vend të tretë, sipas sondazheve, është kandidati i ekstremit të djathtë të Partisë Finlandeze, Jusi Hala-aho.

Qendrat e votimit hapen në orën 09.00 dhe mbyllen në orën 20.00. Marrëdhëniet midis Finlandës dhe Rusisë janë përkeqësuar ndjeshëm që nga shkurti i vitit 2022 dhe sulmi rus në Ukrainë.

Pasi fqinji i saj u bashkua me NATO-n në prill 2023, Moska ka premtuar se do të marrë masa, raportojnë mediat e huaja.

Në gusht, Finlanda përjetoi një fluks emigrantësh pa viza në kufirin e saj lindor. Helsinki më pas akuzoi Moskën për orkestrimin e një krize migrantësh në pragun e saj dhe mbylli kufirin me Rusinë në nëntor.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kuvendi kërkon që Greqia të heqë ligjin e luftës, si e vlerësoni?



×

Lajmi i fundit

Lezhë/ Dy automjete përplasen me njëra-tjetrën, dëmtohen 8 makina të tjera! Një person i plagosur

Lezhë/ Dy automjete përplasen me njëra-tjetrën, dëmtohen 8 makina të tjera! Një person i plagosur