POP 5

Lajmet më të lexuara të 5 minutave të fundit

Sport

Fiorentina fundos Juventusin, Barcelona e Atletico nuk falin në La Liga (VIDEO)

Festa të hidhura për Juventusin që mori goditje të dyfishtë. Gjykata sportive i hoqi tre pikët e fituara në tavolinë për ndeshjen me Napolin ndërsa Fiorentina e mposhti 3-0 në fushë duke i shkaktuar humbjen e parë sezonale. Ndërkaq në Spanjë Barcelona dhe Atletiko bënë detyrën me madrilenët që kryesojnë.

TIRANË- Festa të hidhura për Juventusin. Bardhezinjtë morën dje goditje të dyfishtë. Gjykata sportive i hoqi tre pikët e fitores në tavolinë me Napolin ndërsa në mbrëmje Fiorentina  e mposhti thellë në fushë. “Vjollcët” bënë surprizën e madhe duke fituar 3-0 në Torino dhe i shkaktojnë Juventusit humbjen e parë për këtë sezon.

Vlahovic kaloi miqtë në avantazh që në minutën e 3-të ndërsa më pas Cuadrado u ndëshkua direkt me karton të kuq dhe ia vështirësoi punët skuadrës së Pirlos. Kampionët në fuqi reaguan por nuk shënuan dot ndërsa humbja e Juventusit mori përmasa më të mëdha kur Alex Sandro shënoi në portën e tij dhe ishi Caceres mbylli llogaritë. Fiorentina fundos Juventusin duke i shkaktuar humbjen më të thellë në “Allianz Stadium” ndërsa drejtuesit bardhezi kanë pretendime edhe për gjykimin. Sot për javën e 14-të të Serisë A kryesuesit e Milanit presin Lazion ndërsa Interi luan ndaj Veronës.

Në ndeshjet e mesjavës në La Liga nuk gabuan Barcelona dhe Atletico. Katalanasit fituan lehtësisht 3-0 në transfertë ndaj Real Valladolid dhe ngjiten në kuotën e 24 pikëve momentalisht në vend të pestë. Lenglet dhe Braithëaite shënuan në pjesën e parë për ekipin e Koeman ndërsa llogaritë i mbylli Leo Messi.

Ndërsa Atletico Madrid fitoi 2-0 duelin e kreut ndaj Sociedad falë golave të Hermoso dhe Marcos Llorente të shënuar në pjesën e dytë. Atletico Madrid është kryesuesja e La Ligas me 32 pikë./Përgatiti Andi Kapxhiu

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet prokurorëve të SPAK-ut t'u jepet e drejta e rikandidimit?

Lajme të tjera



×

Lajmi i fundit

Një letër për studentin e gazetarisë në kohën e marrëzisë

Një letër për studentin e gazetarisë në kohën e marrëzisë

4 Maj, 00:25 nga Lutfi Dervishi