POP 5

Lajmet më të lexuara të 5 minutave të fundit

Sociale

Firmoset marrëveshja, Shqipëria
pjesë e nismës “Green Bridge"

 Ministri i Mjedisit, Z. Lefter Koka firmosi sot aderimin e Shqipërisë në nismën  “Green Bridge”.  Nënshkrimi i marrëveshjes  u bë  gjatë takimit që Ministri Koka zhvilloi me Ministrin e Mjedisit dhe të Ujërave të Kazakistanit,  Z. Nurlan Kapparov, në ambjentet e Ministrisë së Mjedisit, në Tiranë.
TIRANE - Ministri i Mjedisit, Z. Lefter Koka firmosi sot aderimin e Shqipërisë në nismën  “Green Bridge”.  Nënshkrimi i marrëveshjes  u bë  gjatë takimit që Ministri Koka zhvilloi me Ministrin e Mjedisit dhe të Ujërave të Kazakistanit,  Z. Nurlan Kapparov, në ambjentet e Ministrisë së Mjedisit, në Tiranë.

Gjatë takimit Ministrat shkëmbyen edhe draftin e parë të një Memorandumi Bashkëpunimi midis Ministrisë së Mjedisit të Republikës së Shqipërisë dhe Ministrisë së Mjedisit dhe Burimeve Ujore të Kazakistanit, në fushën e Mjedisit dhe sektorët kryesorë të tij. “Rasti më i mirë i nënshkrimit zyrtar të këtij dokumenti do të jetë gjatë vizitës që do të kryejë Presidenti i Kazakistanit në Shqipëri”- u shpreh Ministri Kapparov.

lefter koka

Nga ana e tij, Ministri Koka, pasi vlerësoi hapin e parë drejt bashkëpunimit mes dy ministrive të mjedisit në Shqipëri dhe Kazakistan, theksoi rëndësinë e pjesmarrjes së vendit tonë në  programin ndërkombëtar  “Green Bridge” ku aderojnë edhe shtete të tjera të rëndësishme. “Vlerësoj përfshirjen e Shqipërisë në këtë program si një hap drejt ekonomisë së gjelbërt. Ndonëse një shtet në zhvillim do të bëjmë përpjekjet tona për promovimin e investimeve inovative, shfrytëzimit me efikasitet të sektorit privat apo zhvillimin dhe përshtatjen e teknologjive të pastra”- u shpreh Ministri.

lefter koka
Gjatë takimit Ministri Koka ftoi të gjithë investitorët kazak, për investime në Shqipëri. Ai siguroi homologun e tij se investitorët e huaj do të gjenin nga ana e shtetit shqiptar një klimë mjaft të favorshme sigurie, besimi dhe bashkëpunimi për zhvilllimin e biznesit të tyre.

Takimi i Ministrit të Mjedisit të Kazakistanit me Ministrin e Mjedisit të Shqipërisë, është në kuadër të një vizite që një delegacion i nivelit të lartë nga Kazakistani po zhvillon në vendin tonë. 

Redaksia Online
(Shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

‘Studio Live’/ Bejtja: Sazani jo më ‘pika e zjarrit’, i vetmi ‘agresion’ na vjen nga turizmi! Kushner s’është investitori më i madh! Çoçoli: Investimi 1,4 mld USD, 1 mijë vende pune

‘Studio Live’/ Bejtja: Sazani jo më ‘pika e zjarrit’, i vetmi ‘agresion’ na vjen nga turizmi! Kushner s’është investitori më i madh! Çoçoli: Investimi 1,4 mld USD, 1 mijë vende pune

16 Janar, 20:04