Fisi i deputetit Rraja dhunon barbarisht dy kushërinjtë Maja, gazetarja: Shteti është në anë të banditëve

Ju lutem koleg, mos shkruani më familja që ishte në konflikt me fisin Rrahja. Kur kërkon të mbrosh shtëpinë tënde nuk quhet konflikt por e drejtë që sanksionohet edhe në Kushtetutë. Më e saktë do ishte të thoni se familja është në konflikt me shtetin që nuk funksionon dhe për pasojë janë dhe viktima të familjes Rrahja. Mjafton të shihni pamjet dhe e kuptoni që aty nuk janë dy palë që përplasen, por një bandë në sulm. Për fatin tonë të keq, kjo bandë nuk është e vetme. I hasim çdo ditë sapo kalojmë pragun e shtëpisë, dhe ty si qytetar nuk mbetet gjë tjetër veç ti lutesh Zotit mos të kesh të njëjtin fat si dy vëllezërit Maja. Inegzistenca e shtetit prodhon banda dhe viktima. Kam  muaj që nuk kam lenë agjenci shtetërore apo dhe polici bashkiake që kërkoj ndërhyrjen e tyre, pse dikujt i ka shkrepur në mendje të bëj biznes në mes të një kompleksi banimi. Zhurma e biznesit të tij është e llahtarshme. Jetesa është bërë e pamundur për të paktë 6 hyrje apartamentesh. Të gjithë  në hesap të vetë ia janë drejtuar shtetit. Reagimi 0. Zotnia vazhdon punën e vet i pa trazuar, nga institucionet apo nga shteti, edhe në këtë moment që po shkruaj këto rreshta. Nuk di kush e ka këtë biznes, por sapo pash pamjet me zuri frika. Unë dhe gjithkush që ankohet mund të ketë të njëjtin fat. Ndaj, kolegë të mi, ju lutem shumë kurseni të paktën fjalët se familja Maja ishte në konflikt me fisin Rrahja. Mos sot, nesër të gjithëve mund të  na qëlloj të jemi në këto situata, për arsyen e thjeshtë se shteti është në anë të banditëve.(marrë nga facebook)

M.T/Shqiptarja.com

TAG:
• xhelal rraja
• Ramazan Rraja
• rexhep rraja
• jashar maja
• bilbil maja
• krujë
• Durres
• Fushe-kruje