Aktorja dhe deputetja e Kosovës, Adriana Matoshi, pasi fitoi dy herë betejën me tumorin, po përballet me një sëmundje të re.
Në një postim në rrjetet sociale, aktorja shprehet se “shëndeti e tradhtoi sërish” dhe se është shtruar në spital por për t’u rikthyer sërish.
“Sonte po du me i gëzu krejt kto zemra të ligshta për s’vogli, e me i shqetësu shumë zemra të buta prej madhështie njerezore t’u ua dhon lajmin që tash e një kohë po përballna me një sëmundje të re”, shkruan Adriana Matoshi.
Aktorja ka zbuluar se do të nënshtrohet një tjetër operacioni, ku u kërkon ndjekësve të saj: “Ju lutnu unë me u kthy mirë.”
Adriana Matoshi iu nënshtrua më 1 dhjetor 2021 një operacioni për heqjen e tumorit në tru, që iu rikthye pas 9 vitesh. Aktorja arriti që ta fitojë “betejën” me sëmundjen e rëndë dhe u rikthyer sërish në Kuvend. Adriana Matoshit iu desh të përballej për herë të parë me sëmundjen kur ishte shtatzënë dhe priste të sillte në jetë një fëmijë.
Postimi i plotë
Edhe një tjetër …
Në çastin që e ke zbulu kush osht armiku yt, gjysmën e betejës e ke fitu.
E, unë në jetë i konsideroj vetëm dy armiq.
Ata që t’i rrehin krahët e të keshin në fytyrë po të shkelin e poshtnojnë pas shpine.
Shëndetin kur të tradhton at’herë kur mendon që je e gatshme me e bajt një mal mbi supe.
Sëmundjet e mija i kanë hap gjithmonë shume perde, e kanë shpërfaq fytyra të shumta pa maska. Njerëz të shumtë që kanë kesh ma shumë me problemet e mia, sesa me sukseset e mia.
Sonte po du me i gëzu krejt kto zemra të ligshta për s’vogli, e me i shqetësu shumë zemra të buta prej madhështie njerezore t’u ua dhon lajmin që tash e një kohë po përballna me një sëmundje të re.
Për me e ditë të plotë, thashë t’ju tregoj që problemi jem ka fillu para paraqitjes time televizive në Festivalin e Këngës në RTSH.
Nuk kom leju as vizita mjekësore me zhvillu në ditët kur kemi pas mbledhje në Kuvend e në komisionet ku jom përgjegjëse.
Jom kon prezente për krejt, veç për veten jo.
Shëndeti m’tradhtoj prapë. Krejt po mendoni që kjo është shej që duhna me e ulë ritmin e jetës, me i ulë angazhimet.
Në këtë mujë të shenjtë, po i lo prapë fëmitë e mi, prindtë e mi, punën tem, çdo angazhim të mundshem, shoqnine që m’dojnë.
E edhe juve me maska. Krejt, e po e marr veç Zotin edhe lutjet e mija e të ma të dashurve për një operim të radhës.
Unë edhe sonte, po shtrihna në spital për me u kthy prapë.
Inatin, urrejtjen, e vnerin që e vjellin çdo dite përmi emrin tem, po shkoj me e largu prej trupit tem.
Unë prapë ju du shumë!
Ma shumë se ju që ma doni të keqen e ma uroni vdekjen edhe publikisht.
Unë po shkoj, për me u kthy.
Ishalla ky muaj i shenjtë, urrejtjen ja ua kthen në Dashni.
Po shkoj.
Ju lutnu unë me u kthy mirë.
Unë po lutna me ju gjetë juve ma mirë se kurrë ma parë!
Lajme të tjera
-
E shpallën të vdekur! Reagon Adriana Matoshi: Ka shumë njerëz që ma duan vdekjen
9 Maj, 10:37 -
Iku dhe tumori i tretë! Adriana Matoshi fiton betejën e tretë: Uroj të jetë i fundit
16 Mars, 11:11 -
Nis Festivali i Këngës, Kadiu e Matoshi moderojnë ngjarjen e madhe muzikore, balerini kësaj here nga Italia jo për të kërcyer: Emocion i madh, thjeshtësia ndihmon!
19 Dhjetor 2023, 21:30 -
Deputetja e Albin Kurtit do prezantojë festivalin e Këngës në RTSH
3 Nëntor 2023, 08:43 -
FOTO/ Tensione në veri të Kosovës, Mesazhi në bluzën e Adriana Matoshi për BE-në: Refuzoni terrorin, përqafojeni Evropën
28 Shtator 2023, 13:33 -
Pas operacionit në tru, deputetja Adriana Matoshi rikthehet në Kuvend, duartrokitje nga kolegët dhe mesazhi emocionues nga kryeparlamentari
17 Dhjetor 2021, 15:20 -
Iu nënshtrua operacionit për tumorin në tru, del me sukses artistja Adriana Matoshi
1 Dhjetor 2021, 13:01 -
Deputetja shqiptare diagnostikohet sërish me kancer: 9 vite më parë e mposhta teksa isha shtatzënë, e kam lodhur veten më shumë sesa duhet
29 Nëntor 2021, 13:32
