POP 5

Lajmet më të lexuara të 5 minutave të fundit

Kronikë

Fitoi dy tendera 30 mln euro me letra falso, shtyhen me 3 muaj hetimet për 'DH-Albania'

Vendimi është marrë nga prokurorët e çështjes të cilët prej më shumë se tre muaj, janë duke kryer një sërë veprimesh hetimore për të zbuluar personat përgjegjës që kanë abuzuar me dhënien e dy tenderave me vlerë 12 dhe 18 milion euro një kompanie guackë, që futej në konkurim me dokumenta të falsifikuara.

Fitoi dy tendera 30 mln euro me letra falso, shtyhen me 3 muaj hetimet për 'DH-Albania'

Foto ilustruese

Hetimet për skandalin e fitimit të dy tenderave 30 milionë euro me dokumenta falso nga kompania “DH-Albania”, janë shtyrë dhe tre muaj të tjerë. Vendimi është marrë nga prokurorët e çështjes të cilët prej më shumë se tre muaj, janë duke kryer një sërë veprimesh hetimore për të zbuluar personat përgjegjës që kanë abuzuar me dhënien e dy tenderave me vlerë 12 dhe 18 milion euro një kompanie guackë, që futej në konkurim me dokumenta të falsifikuara. I vetmi person që është shpallur në kërkim është administrator i kompanisë “DH-Albania”, Avdjol Dobi. Kreu i ARRSH-së, Afrim Qendro dhe kreu i Operatorit të Sistemit të Transmetimit Klodian Gradeci kanë dëshmuar në prokurorinë e kryeqytetit në lidhje me skandalin e firmës “DH Albania”, e cila fitoi dy tendera me vlerë 30 milionë euro, 18 milionë për ndërtimin e lotit të parë te “Unaza e Re” dhe 12 mln euro të linjës së tensionit 220 kë Burrel-Peshkopi. Ndërkohë për këtë çështje në verifikim nga prokuroria janë anëtarët e Komisionit të dhënies së Liçensave në Ministrinë e Transportit.

Katër anëtarët e këtij komisioni që kanë dhënë liçensën për kompaninë “DH-Albania”, janë marë në pyetje nga prokuroria e Tiranës. Të katër anëtarët kanë treguar përpara oficerëve të policisë Shpëtim Karakushi dhe Ludovik Ndoja, të gjithë procedurën dhe kriteret që janë plotësuar për paisjen me liçensë të kompanisë “DH-Albania”. Gjatë kësaj kohe në prokurori kanë përfunduar dhe pesë anëtarë të Komisionit të Vlerësimit të Ofertave pranë Operatorit të Sistemit të Transmetimit. Zyrtarët e OST-së janë pyetur lidhur me fitimin e tenderit prej 12 milionë euro nga “DH-Albania” për ndërtimin e linjës së tensionit të lartë nga Burreli në Peshkopi. Ata kanë pohuar se nuk kanë kryer asnjë verifikim për sa i përket dokumentacionit nëse ishte falso apo jo, pasi kanë parë vetëm dokumentat shoqëruese, që ishin të sigluara me vulën e noterit dhe të përkthyera nga përkthyes zyrtarë. Sipas dëshmisë së tyre, vërtetimi dhe bilancet e dorëzuara nga kompania, kishin mbërritur me zarf dhe vulë origjinale. Anëtarët kanë shtuar se përpara se dosja e “DH-Albania” të mbërrinte në tavolinën e tyre, ajo më përpara kontrollohet nga drejtoria e Juridike e institucionit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46