POP 5

Lajmet më të lexuara të 5 minutave të fundit

Sport

'Fitore bindëse për vazhdimësinë', Daja i lumtur pas fitores me Dinamon! Shkëmbi: Moment i vështirë psikologjik!

Fitore bindëse që vlen për vazhdimësinë e ka cilësuar 3 pikëshin e derbit kundër Dinamos trajneri i Partizanit. Ndërkohë presidenti Demi thotë mbi të tjera i pëlqeu loja e të kuqve, ndërsa humbja mund t’i kushtojë shtrenjtë trajnerit të Dinamos Bledi Shkëmbi.

Derbi me Dianamon i ka takuar Partizanit, që ka fituar me rezultatin 1-0 në ‘Air Albania’, duke marrë 3 pikë të rëndësishme në një moment kritik për të kuqtë, por që ka zhytur në një krizë të thellë Dinamon.

“Ishte një fitore bindëse. Ishte një rikuperim i atij hapi jo të mirë që kemi bërë me Vllazninë pavarësisht se në këto 6 javët e fundit kemi një vazhdimësi të rezultateve pozitive. Ne nuk do përmendim fjalën titull, por do ta zëvendësojmë me rikuperim në tabelën e klasifikimit,”-tha Ilir Daja, trajner i Partizanit.

“E rëndësishme është loja, loja e mirë, pastaj vjen rezultati. Tirana është shumë para, por kampionati është i gjatë,”-u shpreh Gaz Demi, president i Partizanit.

Ndërkohë humbja e tretë radhazi në kampionat ka shtuar alarmin për largimin e trajnerit Shkëmbi nga Dinamo pavarësisht se drejtuesit kanë vendosur të mos bëhet asnjë ndryshim deri në fundin e këtij vit kur kanë mbetur edhe dy ndeshje.

“E di që në këtë moment të vështirë, sidomos psikologjik, më e thjeshta është duke e kaluar me të shënuar i pari. Patëm 2-3 rastet tona por faktkeqësisht nuk realizuam. Vazhdojmë të gabojmë dhe të realizojmë gola për kundërshtarin,”-tha Bledi Shkëmbi, trajner i Dinamos.

Me këtë fitore Partizani është ngjitur në vendin e 5 me 18 pikë, ndërsa Dinamo renditet e shtat me 5 pikë më pak. Sfida tjetër e ditës së hënë mes Teutës dhe Kukësit është mbyllur 0-0.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56