'Fitoren e PS e nisim nga Durrësi i ri', Rama ia pret shkurt punonjësit: Lëre partinë se s'kemi ardhur për të, rindërtimi është demokrat e socialist

Kryeministri Edi Rama ndodhet në Durrës në zonën e ish-Kënetës ku po inspekton punimet për rindërtimin e shtëpive të dëmtuara nga tërmeti i 26 nëntorit.

Një punonjës i bashkisë teksa i ka thënë Ramës se ai i ka mbajtur premtimet dhe e ka falenderuar në emër të të gjithë banorëve të Durrësit të ri, ai ka deklaruar se fitorja e PS do të nisë nga kjo zonë.

"Kur kemi bë një takim në 2013 ska pasur infrastrukturë  dhe asgjë. Kemi një Durrës të ri. ti eke mbajt fjalën dhe në emër të të gjithë banorëve të Durrësit të ri të falenderoj përzemërsisht. Barometri për fitoren e PS do nisi nga Durrësi  i ri", tha ai.

LEXO EDHE:
Amnistia penale, 15 të dënuar dhe të paraburgosur lirohen sot nga burgu i Fushë-Krujës

Mirëpo Rama ia ka prerë shkurt punonjësit duke i thënë se aty nuk ka shkuar për parti, pasi rindërtimit është i gjithi njësoj si për demokratët ashtu edhe për socialistët.

"Partinë ta mbajmë në zemër dhe në gojë kur të jetë dita e partisë. Lere partinë se skemi ardhur për partinë këtu. Rindërtimi ska parti i dashur, ai është i gjithi demokrat e socialist, me llafe pa llafe", shtoi ai.

Këto ditë kreu i qeverisë ka qenë në disa zona në Durrës ku u ka dorëzuar çelësat e shtëpive të rindërtuara disa familjeve të prekura nga tërmeti tragjik.

/r.k./Shqiptarja.com

TAG:
• edi rama
• PS
• Durres
• PD
• rindertimi