POP 5

Lajmet më të lexuara të 5 minutave të fundit

Sport

Fitorja detyrim, sot Shqipëria pret Moldavinë për Euro 2024! Sylvinho me mendje të ndarë për formacionin! Pritet stadiumi plot

Të dënuar për të fituar. Ekipi Kombëtar pret sonte Moldavinë në “Air Albania” në ndeshjen e dytë kualifikuese të grupit E të Gjermani 2024.Skuadra është optimiste dhe gëzon mbështetjen e një stadium që pritet të jetë plot me tifozë. Në debutimin e trajnerit Silvinjo përpara publikut shqiptar tre pikët janë detyrim për të mbajtur gjallë ëndrrën e kualifikimit.

Sonte është prova e dytë e Shqipërisë së Sylvinhos. Ekipi Kombëtar pret në “Air Albania” duke nisur nga ora 20:45 Moldavinë me objektivin e vetëm fitoren. Tre pikat janë detyrim për kuqezinjtë pasi do të ishin të parat në grupin E kualifikues dhe do të mbanin në garë Shqipërinë për ëndrrën dhe objektivin kualifikim. Skuadra është gati. Ekipi ka ditë që stërvitet nën urdhrat e trajnerit Sylvinho dhe atmosfera është optimiste.

Braziliani me përjashtim të ndonjë dyshimi të vogël formacionin e ka përcaktuar. Dilema i takon portës ku tekniku do vendos mes Strakoshës e Beriushës që të dy nuk janë aktivizuar aspak këtë sezon. Në mbrojtje nga e djathta në të majtë do rreshtohen kapiteni Hysaj, Ismajli, Gjimshiti e Mitaj. Treshja e mesit të fushës pritet të përbëhet nga Ramadani, i rikthyeri Bare dhe Bajrami e në sulm Asani, Uzuni e Cikalleshi. Sylvinho të 7 ndeshjet e mbetura në grup I cilëson finale dhe kjo e sotmja edhe pse na sheh si favorit është po finale.

Kapiteni Hysja sqaron në konferencë se nuk ka ndeshje të lehta por pritshmëritë janë të mëdha. Në debutimin e Sylvinhos para publikut shqiptar pritet që stadium të jetë gati plot me më shumë se 20 mijë tifozë.

Shqipëria nuk ka ende asnjë pikë në grup ndërsa Moldavia i ka barazuar dy ndeshjet e luajtura deri më tani. Me ndihmën e publikut dhe me cilësitë e futbollistëve pritshmëritë nga ekipi Kombëtar sot janë tre pikët ndaj Moldavisë.

Përgatiti Andi Kapxhiu

SI.E./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Parashikimi i motit, e premte, 27 dhjetor

Parashikimi i motit, e premte, 27 dhjetor

27 Dhjetor, 08:24