Replika 1

Nuk ju nidhmoj dot ju z.deputet parafolës. Të paktën kur flet më shiko në sy sepse e di që nuk je aq trim në fakt. Nuk mund të ndihmoj dot asnjë njeri që këtu flet broçkulla e aq më pak dikë që është në dekompozim politik. Por,në respekt të opinionit publik, dua të ju them që më ka ardhur turp për takimin tim me sekretarin e mbrojtjes në pentagon për atë se çfarë kam dësgjuar se cili ishte opinioni i tyre, I çfarë kishte bërë zotëria edhe dikush përpara meje me FA. Do ti kishte ardhur turp çdo shqiptari që ta kishte dëgjuar këtë gjë. Kjo është një gjë. Tjetra gjë është që ju ngritët një vit më parë një stuhi në gotë, sajuat një gjë të paqenë ju dështoi, dhe pretendoni të vini këtu dhe të shfrytëzoni çdo rast për të treguar histori të paqëna dhe paverifikuara, dhe këto i bëni, publiku e di për konsum publik, politik. Nuk ju kam zili për këtë gjë.

Desha tju bëj me dije, që ata ushtarakë që ju keni mbrojtur këtu zotërinj, ca I keni mbrojtur në facebook, ca në këtë podium, të paktën në njërin rast zotëria është hequr nga FA se ka dalë 102 herë pa leje jashtë vendit, duke thyer disiplinën ushtarake dhe duke vënë në rrezik sigurinë kombëtare. Ai është larguar nga FA, çfarë do ka bërë për armën ku ka aderuar, ju e keni mbrojtur.

Majori ka dalë pa leje nga Shqiperia, ka qenë me leje të zakonshme dhe ka dalë nga Shqipëria pa leje.

Ju siguroj se të gjithë ushtarakët që janë larguar nga FA të mbrojtur këtu nga ky podium nga këta zotërinjtë janë larguar më së shumti vetëm sepse kanë dalë pa leje nga Republika e Shqipërisë.

Gjithçka pas kësaj është një histori nën investigimin spanjoll. E vërteta do të dali, prandaj në ushtrinë Shqiptare ekziston policia ushtarake, agjensi inteligjente sepse ushtarakët janë njerëz të shoqërisë sonë dhe si çdo njerfi I shoqërisë tonë mund të gabojë ashtu siç jam informuar deri në këto moment ka gabuar ky zotëria. Por që këtu të denigrohet apo ti vihen epitetë Shefit të Shtabit të FA, kur ai që ishte përpara e kishin mbytur ushtrinë me korrupsion për të mos thënë gjëra tjera është e patolerueshme, offensive në raport me FA dhe unë ju sugjeroj të paktën në rastin në fjalë të mateni përpara se të dilni në konkulzion.

Replika 2

Dua tju rikujtoj diçka . Me datën 15 shtator të vitit 2013, kur unë kam hyre për herë të parë në zyrën e Ministrisë së Mbrojtjes, është ngritur një përfaqësues i lartë i Forcës Detare i cili më ka thënë zonjë nuk kemi asnjë litër naftë për të patrulluar bregdetin, 0 dhe ishte 15 shtator. Sot ne kemi qenë pjesë, javën e fundit të dhjetorit të vitit që kaloi të një aksioni të jashtëzakonshëm ndërkombëtarë ku flota jonë detare ka dalë në patrullim për një javë rrjesht 24 orë në 24orë. A e dini pse mungonte nafta dhe pse abuzohej me të? Sepse dhëndri i zonjës dhe dhëndurët shëtisnin për të parë bregdetin shqiptarë me flotën ushtarake Shqiptare. Bënin dhe videoklipe në ajër e kështu

me radhë. Prandaj në ka një njeri këtu që duhet të kërkoj pardo (falje) edhe për këtë gjë, pavarësisht se nuk i ka takuar fare si zonë influence dhe tani bën si eksperte është pikërisht kjo zonjë. Ju faleminderit.