Flet avokati i Izet Haxhisë: Po përgatisim kërkesën për rihapjen e dosjes 'Azem Hajdari'

Fran Dashi, Avokati i Izet Haxhisë ka folur sot për mediat duke dhënë detaje se çfarë do ndodhë tashmë që Izet Haxhia, dëshmitari kyç i vrasjes së Azem Hajdarit mbrëmjen e 12 shtatorit 1998, u ekstradua në Shqipëri. I dënuar me 25 vite burg si bashkëpunëtor në vrasjen e Azem Hajdarit, Izet Haxhia u ekstradua nga Turqia në Rinas natën e kaluar.

Ai ka thënë se do kërkojë rihapjen e çështjes pasi Izet Haxhia, ish-truprojë i Sali Berishës është dënuar në mungesë nga gjykata. 

Izeti është shumë i lumtur që pas 20 vitesh kthehet në atdhe. Në gjendje të mirë, me memorie të pastër. Ju siguroj që shëndeti i tij është i plotë. Ne jemi duke studiuar aktet e para dhe pikësynimi dhe pretendimi jonë është për rihapur dosjen e nga para e pasi gjykimi dhe hetimi ndaj tij për 12 shtatorin, ëhtë bërë në mënugesë. 

Gjykata e Shkallës së Parë në vitin 2001 ka deklaruar ikjen e të pandekurit duke caktuar avokat kryesisht. Ne kemi besim të plotë se çështja do shkojë drejt rihapjes. Unë jam përfaqësues ligjor i Izet Haxhisë dhe jo përafqësues politik. Jemi drejt përfundimit të kërkesës, jemi duke i dhënë dorën e fundit dhe do ta depozitojmë në gjykatë. Kur një shtetas gjykohet në mungesë,  nënkupton se çështja do rihapet. 
 

Fran Dashi, avokati mbrojtës i Izet Haxhisë

LEXO EDHE:
Avokati Idajet Beqiri denoncon: Izet Haxhinë tentuan ta helmonin në burgun e Reçit, ka armiq të fortë! 'Burgjet': E pavërtetë

TAG:
• izet haxhia
• fran dashi

Sondazhi i ditës:

Minimumi jetik në vend 184 euro për person, a është i mjaftueshëm?

• Po

  10.3%

• Jo

  85.7%

• Nuk e di

  4%

Vota total: 2764

• Sondazhi i ditës:

  Minimumi jetik në vend 184 euro për person, a është i mjaftueshëm?

  Po Jo Nuk e di