Flet familjari i 28-vjeçares që u vra në Gjermani: Ish-burri plagosi edhe motrën e viktimës

Familjari i 28-vjeçares shqiptare që u vra nga ish-burri të shtunën në mbrëme në Gjermani, është shprehur se gjatë martesës Jetmira Beka është përballur me dhunë nga ish-bashkëshorti, veprime të cilat bën që çifti të shkurorëzohet.

“Viktima ka qenë e martuar, por për shkak të dhunës që ka ushtruar ish bashkëshorti i saj janë ndarë”, ka thënë ky familjar.

LEXO EDHE:
Prodhon raketa ajrore për Ukrainën, përfshihet nga flakët fabrika kimike në Gjermani (VIDEO)

Ai tregoi se ngjarja e rëndë ka ndodhur në një parking të një marketi në Gjermani, ku siç u shpreh ai “E ka vrarë 28-vjeçaren duke e goditur, dhe ka lënë të plagosur edhe motrën e saj 18 vjeçare”.

Ai theksoi se varrimi i viktimës do të bëhet në Kosovë, ndërsa tregoi se viktima la pas vetes tre fëmijë.

“Po presim që varrimi të bëhet në Kosovë, kur ta sjellin trupin e të ndjerës. Viktima ka lënë tre fëmijë të vegjël. Më i madhi është në klasë të parë”, tha familjari i viktimës për Telegrafin.

Lajmi kryesor:

37-vjeçari shqiptar dhunon për vdekje ish-gruan e tij në një parking në sy të klientëve në Gjermani

M.Q./Shqiptarja.com

TAG:
• jetmira beka
• vrasje
• gjermani