Fluksi i festave/ Qindra emigrantë shqiptarë bllokohen në Kakavijë, presin prej 4-5 orësh autobusët

Qindra emigrantë shqiptare janë bllokuar që prej mesditës së sotme në Kakavijë. Ata janë në pritje të ardhjes së autobusave shqiptarë. Mësohet se emigrantët kanë paguar 70 euro dhe u është premtuar se deri në Kakavijë do t'i sillnin autobusët grekë.

Pas kalimit të kufirit ata do të hipnin në autobusët shqiptarë por deri më tani kjo nuk ka ndodhur dhe emigrantët po presin prej 4-5 orësh. Disa prej tyre kanë paguar taksi për të shkuar në shtëpitë e tyre në vendlindje, e disa të tjera kanë qëndruar të presin.

As COVID dhe shtimi i masave për të frenuar përhapjen nuk i ka penguar emigrantët shqiptarë që festat të vijnë t'i kalojnë në vendin e tyre. Disa ditë më parë Report Tv raportoi edhe fluksin në Rinas me ardhjen e emigrantëve.

Por kujtojmë se nga dita e sotme (24 dhjetor) ka hyrë në fuqi kufizimi i ri i orarit të lëvizjes prej orës 20:30 - 06:00. Këto masa do të qëndrojnë deri më 4 janar, me qëllim parandalimin e përhapjes së koronavirusit në vend duke qenë se jemi dhe në prag të festave të fundvitit. Pas kësaj date do të rikthehet sërish izolimi që prej orës 22:00 - 06:00. 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet