Qeveria e Finlandës ka vendosur të mbyllë sërish, duke nisur nga nesër (15 dhjetor), të gjithë kufirin lindor të vendit nordik për shkak të një fluksi të vazhdueshëm emigrantësh në dy pikat e kalimit në kufirin me Rusinë që u rihapën përkohësisht herët ditën e sotme.
Ministrja e Brendshme Mari Rantanen u tha gazetarëve se një vendim i kabinetit të kryeministrit Petteri Orpo në fillim të kësaj jave për të rihapur përkohësisht pikat e kalimit juglindor Vaalimaa dhe Niirala sot ishte menduar si një provë për të parë nëse "fenomeni" i emigrantëve ekziston ende në kufi.
Roja Kufitare Finlandeze raportoi se dhjetëra emigrantë pa dokumentacion apo viza të duhura kishin mbërritur në dy pikat e kontrollit deri të enjten vonë. Numri i emigrantëve parashikohej të rritet me shpejtësi në pikat e kontrollit Vaalimaa dhe Niirala, duke bërë që qeveria finlandeze të reagojë shpejt dhe t'i mbyllë ato të premten që nga ora 20:00 deri në 14 janar.
Në fund të nëntorit, qeveria e Orpo-s zgjodhi të mbyllte të gjithë kufirin prej 1,340 kilometrash (830 milje) për të paktën dy javë për shkak të shqetësimeve se Moska po përdorte emigrantët për të destabilizuar Finlandën në një akt të supozuar të "luftës hibride".
Autoritetet finlandeze thonë se rreth 1,000 migrantë pa viza të duhura ose dokumentacion të vlefshëm kishin mbërritur në kufi që nga gushti deri në fund të nëntorit, me më shumë se 900 prej tyre vetëm në nëntor. Shifrat janë shumë më të larta se zakonisht.
Finlanda akuzon Rusinë për futjen e qëllimshme të emigrantëve - shumica e të cilëve kërkojnë azil në Finlandë - në zonën kufitare, e cila normalisht kontrollohet shumë nga Shërbimi Federal i Sigurisë së Rusisë, ose FSB, në anën ruse. Kremlini ka mohuar se Rusia po inkurajon emigrantët të hyjnë në Finlandë dhe ka thënë se i vjen keq për mbylljen e kufijve finlandez.
Ka tetë pika kalimi për trafikun e pasagjerëve dhe automjeteve në kufirin tokësor Finlandë-Rusi dhe një pikë kontrolli hekurudhor për trenat e mallrave. Që nga mbrëmja e së premtes, vetëm pika e kontrollit hekurudhor do të mbetet e hapur mes dy vendeve.
Lajme të tjera
-
Analiza e VOA: Demokracia në provë në Evropën Lindore mes akuzave për ndërhyrje nga Rusia
25 Dhjetor, 19:34 -
25 vjet Putin, nga miku në armik
25 Dhjetor, 12:41 -
Lufta/ Rusia sulm masiv me raketa në Kharkiv ditën e Krishtlindjes! Zelensky: 2025 të bëhet viti i paqes për Ukrainën
25 Dhjetor, 08:15 -
Anija e sanksionuar ruse fundoset në Detin Mesdhe, 2 të zhdukur
24 Dhjetor, 15:12 -
VIDEOLAJM/ Finlandë, babagjyshi niset me slitë nga fshati i tij për shpërndarjen e dhuratave përreth botës
24 Dhjetor, 15:02 -
Kremlini hedh poshtë raportimet se gruaja e Assadit ka kërkuar divorc
23 Dhjetor, 18:38 -
Shefi i NATO-s i shqetësuar për sigurinë afatgjate të aleancës
23 Dhjetor, 16:58 -
Seuli thotë se Koreja e Veriut po përgatitet të dërgojë më shumë trupa dhe armë në Rusi
23 Dhjetor, 13:05 -
I dërguari special për Ukrainën dhe Rusinë/ Trump emëron gjeneralin Keith Kellogg për një fund të shpejtë të luftës
23 Dhjetor, 10:11 -
Pasi u rrëzua nga pushteti në Siri, Assadit i ndodh e papritura! Gruaja i kërkon divorcin
23 Dhjetor, 09:38 -
Lufta në Ukrainë/ Më shumë se 1000 ushtarë të Koresë Veriut kanë rënë në front për Rusinë
23 Dhjetor, 08:18 -
NATO trajnon trupat ushtarake ukrainase në Lituani dhe Poloni
22 Dhjetor, 21:59
