/ATSH-AFP/ - Fluksi i migrantëve që po arrin Evropën Qendrore nga Ballkani me destinacion kryesisht Gjermaninë, ka regjistruar rritje këtë fundjavë me afrimin e sezonit të dimrit, referuar shifrave zyrtare të publikuara sot.
"Më shumë se 8 500 persona kanë mbërritur dje në Austri dhe një kontigjent tjetër prej 3 680 personash rreth mesnatës", njoftoi policia austriake.
Këto shifra shënojnë një rritje të ndjeshme në raport me javën e kaluar ku të ardhurit janë rritur deri në mesatarisht 5 500 persona në ditë.
Në Hungari, 7 879 migrantë janë regjistruar dje dhe 7 907 dy ditë më parë duke shënuar rritje në raport me ditët e mëparshme