Fluturimet me charter/ ‘Rithemelimi’: Sheiku Ahm- Ed Bin Rama Al Surrel më shumë udhëtime se Xhorxh Bush! I shkëputur nga realiteti

 

Opozita ka akuzuar kryeministrin Edi Rama se ka bërë më shumë fluturime me çarter se ish-Presidenti amerikan Xhorxh Bush. Kjo sipas deputetit të PD-së, Luçiano Boçi është tregues se si Rama është totalisht jashtë realitetit shqiptar.

“Sheiku Ahm- Ed Bin Rama Al Surrel, me çarter pas fundshpine, ka reaguar me breshëri pasi hakerat i zbuluan numrin e fluturimeve me avion-taksi.  Siç e ka zakon kur kapet ngushtë, ai fut në përdorim gjuhën e ashpër dhe sharjet, a thua se gjuha do ta shpëtojë nga ajo që i bën mendja, për hir të tekave kryeministrore. 137 fluturime ka kryer zotëria e tij me avionin kryeministror, dhuratë e Erdoganit, pajë për zhbërjen e shkollave dhe llahtarisjen e fëmijëve shqiptarë.

LEXO EDHE:
'Po ku ka si ty o Shqipëria ime'/ Emigrantët e kthyer po realizojnë ëndrrën në atdhe, Rama njofton turin me shqiptarët në Europë (VIDEO)

 Dy herë më shumë se ish-Presidenti amerikan Xhorxh Bush që, në dy mandate, ka kryer 74 fluturime me Air Force One. Njeriu më i fuqishëm i botës ka kryer dy herë më pak fluturime në dy mandate se lideri më i pafuqishëm i Europës. Këtë të fundit nuk e thotë PD, ndaj i kërkojmë të mos zemërohet, por e thotë media e njohur Politiko.eu.

 Pse ndodh kjo? Sepse kryeministri ynë është në hava-limanin  e tij, ku e ka shpënë shkëputja nga realiteti dhe hallet e popullit të vet.Ndërkohë që ai merr sa herë i teket, avionin-taksi, populli i tij rrëmben taksitë e vdekjes për të kaluar La Manshin dhe shpëtuar kokën nga qeverisja e tij”, tha Boçi.

Lajmi kryesor:

Fluturimet me charter, Rama: Udhëtimet e mia, më pak se gjysma e shpifarakut kur ishte kryeministër! Në 2012, Berisha shpenzoi 226.893 lekë për fluturim

B.K./r.k./Shqiptarja.com

TAG:
• edi rama
• sali berisha
• Air Albania
• charter