Fluturoi në hapësirë me miliarderin amerikan Jeff Bezos, pilotja 82-vjeçare e zhgënjyer: Ishte errësirë, mendoja se do shihja botën

Fluturoi në hapësirë me miliarderin amerikan Jeff Bezos, pilotja 82-vjeçare e zhgënjyer: Ishte errësirë, mendoja se do shihja botën

Pilotja Wally Funk

Pilotja 82-vjeçare që shoqëroi miliarderin amerikan Jeff Bezos në udhëtimin e parë historik turistik në univers duket e zhgënjyer. Pilotja Wally Funk është shprehur se anija raketë nuk ka shkuar shumë lart dhe se gjithçka ishte errësirë.

“Ne u ngjitëm shpejt dhe pashë errësirë. Mendova se do të shihja botën, por nuk ishim mjaft lart" shprehet 82-vjeçarja për një media të huaj (Fox News).

Ndër të tjera Funk ka falenderuar Jeff Bezos që mundësoi fluturimin dhe u bë një nga personat më të vjetër që ka udhëtuar në hapësirë. Por mesa duket pilotja Wally Funk nuk është e kënaqur me udhëtimin dhe do dëshironte që të ishte me i gjatë.

"E doja çdo minutë të saj, unë thjesht do të doja të kishte qenë më e gjatë” shprehet Funk.

Kujtojmë që udhëtimi turistik u realizua nga Jeff Bezos në 20 korrik, me anijen raketë të ndërtuar nga kompania e tij, Blue Origin. Fluturimi zgjati gati 11 minuta në total dhe arriti në 66.5 milje në lartësi.

Miliarderi Bezos u shoqërua nga vëllai i tij, Mark, pilotja 82-vjeçare, Wally Funk, dhe një student 18-vjeçar, Oliver Daemen, i cili tashmë njihet si personi më i ri në moshë që ka bërë një udhëtim në hapësirë.

Në përfundim të udhëtimit më datë 20 korrik, Jeff Bezos u shpreh se ishte dita më e bukur e jetës së tij.

Të katër udhëtarët patën mundësinë të përjetojnë tre minuta me gravitet zero në pafundësinë e universit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Fier, 36-vjeçar fut në makinë të renë me probleme të shëndetit mendor dhe e ngacmon seksualisht

Fier, 36-vjeçar fut në makinë të renë me probleme të shëndetit mendor dhe e ngacmon seksualisht