KQZ kërkon ndryshimin e ligjit për partitë politike dhe ndryshimin e tavanit të vendosur për financimet private. Sekretari i Përgjithshëm i KQZ, Skënder Vrioni theksoi dje se tavani i parave të deklarueshme duhet të ulet nga 100 mijë lekë në rreth 21 mijë lek në mënyrë që këto para të jenë sa më të kontrollueshme nga KQZ.

“Me ligjin aktual kontributi deri në 100 mijë lek nuk është i deklarueshëm dhe është një sasi shumë e lartë. Ne propozojmë që të bëhet rreth 150 euro sa është edhe paga minimale. Pra nëse jepen më shumë se 150 euro për një parti politike, atëherë individi duhet të bëhet i deklarueshëm, pra publik”,- tha Vrioni.